በአሰልጣኝ ፀጋየ ኪዳነማርያም እየተመሩ በዝዉዉር ገበያው ላይ በንቃት በመሳተፍ አዳዲስ ተጫዋቾችን ወደ ስብስባቸዉ በመቀላቀል ላይ የሚገኙት ድቻዎች አሁን ደግሞ ሁለገቡን አጥቂ ተጫዋች ፍስሀ ቶማስን ማስፈረማቸዉ ታዉቋል።
የቀድሞ የሺንሺቾ ከተማ እና ዲላ ከተማ ተጫዋች የነበረዉ ወጣቱ የመስመር አጥቂ የተጠናቀቀዉን የዉድድር አመትም በአዳማ ከተማ ቤት ማስለፉ ይታወሳል። አሁን ደግሞ ከቀጣዩ የዉድድር አመት ጀምሮ ለወላይታ ድቻ ለመጫወት የሁለት አመት የስምምነት ዉል መፈረሙ ተረጋግጧል።
በተያያዘም ከደቂቃዎች በፊት አንጋፋውን የመሀል ሜዳ ተጫዋች አዲስ ህንፃን ከአዳማ ከተማ ያስፈረሙት ድቻዎች በቀጣይ ቀናትም ተጨማሪ ተጫዋቾችን ወደ ስብስባቸዉ እንደሚቀላቀሉ ይጠበቃል።
አስተያየት ይስጡ