በ22ኛው ሳምንት የኢትዮጵያ ፕሪሚየር ሊግ ግጥሚያ ወላይታ ድቻና ቅዱስ ጊዮርጊስ 1-1 ተለያዩ።
የጨዋታው የመጀመሪያ ክፍለ ጊዜ ሊጠናቀቅ ጥቂት ሲቀረው የቅዱስ ጊዮርጊሱ ምንተስኖት አዳነ ከመሃል ሜዳ ያሻገረለትን ኳስ የዲቻ ተከላካዮችን አለመናበብና የግብ ጠባቂውን መውጣት ተጠቅሞ አዳነ ግርማ በ41ኛ ደቂቃ ወደ ጎልነት ለውጧታል።
ከእረፍት መልስ ወላይታ ዲቻን አቻ ያደረገችውን ጎል በ52ኛው ደቂቃ በ20 ቁጥሩ አብድልሰመድ አሊ አማካኝነት አስቆጥሯል።
በሁለተኛዉ የጨዋታ ክፍለ ጊዜ የወላይታ ዲቻ ቡድን ስህተቶችን አርሞ በመግባት የጨዋታ ብልጫ የወሰደ ቢሆንም ተጨማሪ ጎል ማስቆጠር አልቻለም
በተለይ በ58ኛው ደቂቃ ላይ ሰባት ቁጥር ለባሹ አናጋው ባደገ ሞክሮት ለጥቂት የጎሉ አግዳሚ የመለሰው ኳስ የሚያስቆጭ አጋጣሚ ነበር፡፡
በርካታ ተመልካች በወላይታ ሶዶ ሁለገብ ስታዲየም ተገኝቶ ጨዋታውን ተከታትሎታል፡፡

አስተያየት ይስጡ