መነሻ ገጽ ቅዱስ ጊዮርጊስ የአሰልጣኞች አስተያየት | ቅዱስ ጊዮርጊስ 3-2 ድሬደዋ ከተማ
ቅዱስ ጊዮርጊስየአሰልጣኞች አስተያየትየኢትዮጵያ ፕሪሚየር ሊግድሬዳዋ ከተማ

የአሰልጣኞች አስተያየት | ቅዱስ ጊዮርጊስ 3-2 ድሬደዋ ከተማ

አጋራ
አጋራ

 

በ8ኛ ሳምንት የኢትዮጵያ ፕሪምየር ሊግ መርሐ ግብር ዛሬ አንድ ጨዋታ የተከናወነ ሲሆን በጨዋታውም ቅዱስ ጊዮርጊስ ድሬደዋ ከተማን 3-2 በሆነ ውጤት አሸንፏል። ከጨዋታው በኋላም የሁለቱ ቡድን አሰልጣኞች አስተያየታቸውን ሰጥተዋል።

የቅዱስ ጊዮርጊሱ ሰርዳን ዝቪጅኖቭ አስተያየታቸውን ሲጀምሩ “ዛሬ ስለተቆሩብን ሁለት ግቦች መነጋገር አለብን። ምክንያቱም ባለፉት 7ጨዋታዎች በአንድ ጨዋታ ሁለት ግቦች አልተቆጠሩብንም። ግን 3ግቦች አስቆጥረናል፤ 3ነጥቦች አግኝተናል፤ በመጀመሪያው አጋማሽ ጥሩ ተጫውተናል። በሁለተኛው አጋማሽም በጋዲሳ መብራቴ ግሩም ግብ ማስቆጠር ችለናል።” ብለዋል። አሰልጣኙ አክለውም “በሁለተኛው አጋማሽ የመጀመሪያዎቹ 30 ደቂቃዎች ጨዋታውን ተቆጣጥረነው ነበር ከዛ በኋላ ግን ትኩረት ማጣት ለድሬደዋዎች ሁለት ግብ እንዲያስቆጥሩ አድርጓቸዋል ብለዋል።” ስለሁለቱ አጥቂዎቻቸው ጉዳት የተጠየቁት አሰልጣኙ “እስካሁን ስለ ጉዳታቸው ያወቅኩት ነገር የለም፤ ከሀኪሞች ጋር እንመክራለን።” በማለት አስተያየታቸውን አጠቃለዋል።

የድሬደዋ ከተማው አሰልጣኝ ስምዖን አባይ “እንደ እንቅስቃሴ የምናየው ከሆነ ውጤቱ አይገባንም፤ የነበሩብንን ስህተቶች ማረም አልቻልንም። አሁንም ጨዋታ በተጀመረ በ10 እና በ15 ደቂቃዎች ግቦች ይቆጠሩብናል። እነዚህ ስህተቶች ናቸው ዛሬም ዋጋ ያስከፈሉን። ግን ዛሬ በቡድኔ በጣም ደስተኛ ነኝ። ጥሩ እንቅስቃሴ ማድረግ ችለናል። ማጋነን አይሁንብኝ እና 90ደቂቃ በኳስ ብልጫ መውሰድ ችለናል። ውጤቱ ጨዋታውን ይገልጻል ብዬ አላምንም።” ብለዋል። አሰልጣኙ ስለተጋጣሚያቸው ተጠይቀው ሲመልሱ “ሶስት አጋጣሚዎች አግኝተው ተጠቀሙ፤ ሌላ ምንም ያየሁት ነገር የለም።” በማለት መልሰዋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...

ዜናዎችየኢትዮጵያ ፕሪሚየር ሊግየጨዋታ ዘገባ

ሲዳማ ቡናና መቻል ያለ ግብ ስለያዩ፤ ወላይታ ድቻ ወልዋሎን በማሸነፈ የድል ጉዞውን ቀጥሏል!

በአቤኔዘር አበበ ሲዳማ ቡና ከመቻል ጋር ያለ ግብ ሲለያዩ፣ ወላይታ ድቻ ወልዋሎ...

ዜናዎችየኢትዮጵያ ፕሪሚየር ሊግየጨዋታ ዘገባ

ሀይቆቹ የመጀመሪያ ድላቸውን ሲያሳኩ፣ ፈረሰኞቹም በድል የአምስተኛውን ሳምንት ጨዋታ አጠናቀቁ!

በአቤኔዘር አበበ ሀዋሳ ከተማ እና ቅዱስ ጊዮርጊስ የመጀመሪያ ድላቸውን አሳኩ ሀዋሳ ከተማ...