ደቡብ ፖሊስ ተመስገን ገ/ፃዲቃን ለማስፈረም ተስማምቷል

ትላንትና የሃይማኖት ወርቁን ዝውውር ያጠናቀቁት ደቡብ ፖሊሶች አሁንም ያለፋትን ሁለት አመታት ከመከላከያ ጋር ያሳለፈውን ተመስገን ገብረፃዲቅን ለማስፈረም ከስምምነት ደርሰዋል።

በ2002 ከሀዋሳ ከተማ ወጣት ቡድን ወደ ዋናው ቡድን በማደግ ለተከታታይ 3 ዓመታትን እናት ክለቡን ያገለገለው የአጥቂ መስመር ተጨዋቹ ተመስገን የደቡብ ፖሊስ የወቅቱ 16ተኛ ፈራሚ መሆን ችሏል።

ከሀዋሳ ከተማ በተጨማሪ ለሲዳማ ቡና፣አዳማ ከተማ ና ሀድያ ሆሳእና መጫወት የቻለው ተመስገን ገብረፃዲቅ በቀጣይ አመት በየትኛው የኢትዮጵያ ሊግ አንደሚወዳደር ያላወቀውን ደቡብ ፖሊስን በመቀላቀል የቅድመ ውድድር ዝግጅቱን ሚጀምር ይሆናል።