የድሬዳዋ ከተማ ስፖርት ክለብ ስራ አስኪያጅ እና ምክትል አሰልጣኝ ሰየመ

የክለቡ ቦርድ ትናንት ባካሔደው ስብሰባ አቶ ዳዊት ከድር (ጆኒ) ጊዜያዊ ስራ አስኪያጅ እና ኢንስትራክተር ፉዓድ ዩሱፍ ምክትል አሰልጣኝ በማድረግ ሰይሟል።

ኢንስትራክተር ፉዓድ ድሬዳዋ የተወለደ ሲሆን ድሬዳዋ ጨርቃ ጨርቅ፣ ሓፍካት እና ድሬዳዋ ምድር ባቡር በተጫዋችነት አሳልፏል ፉዓድ በአሰልጣኝነት ሙያም ብዙ አመታት ያሳለፈ ሲሆን የሐረር ከነማ ከብሔራዊ ሊግ ወደ ፕሪሚየር ሊግ ማሳደግ የቻለ አሰልጣኝ ነበረ፡ ፉዓድ የትምህርት ዝግጅቱም ከስፖርት ጋር የተያያዘ ሲሆን ከሐረማያ ዩኒቨርሲቲ በስፖርት ሳይንስ የመጀመሪያውን ዲግሪ ማግኘት ችሏል በአሰልጣኝነት ደረጃም ከፍተኛ የኢንስትራክተር ደረጃ ያለው የድሬ ልጅ ነው።
ኢንስትራክተር ፉዓድ በአሁኑ ጊዜ የሐረሪ ክልል ስፖርት ኮሚሽን ከፍተኛ ባለሙያ በመሆን እያገለገለ ሲሆን የድሬዳዋ ከተማ ቦርድ ዛሬ ባካሔደው ስብሰባ የዋናው ቡድን ምክትል አሰልጣኝ እንዲሆን ወስኗል።
ቦርዱ ዛሬ ባካሔደው ስብሰባ የድሬዳዋ ጨርቃ ጨርቅ ተጫዋች የነበረው እና በሙያ ደረጃም በተለያየ እርከን የድሬዳዋ ጨርቃ ጨርቅን እያገለገለ የነበረውን አቶ ዳዊት ከድር ዘከሪያ ወይም በቅጽል ስሙ ጆኒ በመባል የሚታወቀውን የክለቡ ጊዜያዊ ስራ አስኪያጅ አድርጓል በጥሩ ስነ-ምግባር እና ለሌሎችም ተምሳሌት የሆነ ጸባይ ያለው ጆኒ በስፖርት ዓለም ከማሳለፉ ባሻገር በትምህርት ዝግጅትም የማኔጅመን ምሩቅ ስለሆነ ክለቡን በብቃት ይመራል ተብሎ ታምኖበታል፡ ጆኒ በድሬዳዋ ማህበረሰብ ዘንድም ተቀባይነት ያለው ሰው ነው።
ጊዜያዊ ስራ አስኪያጅ በመሆን ሲያገለግል የነበረው አቶ ፍፁም ክንድሼ ምክትል ስራ አስኪያጅ በመሆን ክለቡን እንዲያገለግል ተወስኟል።
ልምምድን በተመለከተ በአደገኛ ሁኔታ እየተዛመተ ባለው የኮሮና ቫይረስ ጋር ተያይዞ የኢትዮጵያ እግር ኳስ ፌዴሬሽን ውድድሮችን ላልተወሰነ ጊዜ ውድድሮችን ማቋረጡን ተከትሎ ከተወሰነ ቀናት ቡኃላ ተጫዋቾቹ ወደ ልምምድ ቢመለሱም አንድ ላይ ተሰብስቦ ልምምድ መስራት አደጋች ስለሆነ ተጫዋቾች ከሆቴል ወተው በግላቸው ልምምድ እንዲሰሩ ተወስኗል።

via- dire kenema offical

hatricksport team

Hatricksport team

Facebook