የሁለተኛው ዙር የወንዶች ኘሪሚዬር ሊግ መጋቢት 7 ይጀመራል

የሁለተኛው ዙር የወንዶች ኘሪሚየር ሊግ መርሃ ግብር አካል የሆነው የ16ኛው ሳምንት የሊግ ጨዋታ መጋቢት 7 እንደሚጀመር የኢትዮጵያ እግር ኳስ ፌደሬሺን አስታውቋል፡፡
የኢትዮጵያ እግር ኳስ ፌደሬሺን የውድድርና ስፖርት ማዘውተሪያ ስፍራ ዳይሬክትሬት ዳይሬክተር በሆኑት በአቶ ሰለሞን ገ/ስለሴ  አማካኝነት ለተሳታፊ ክለቦችና ለሚመለከታቸው አካላት የሁለተኛው ዙር የሊግ ጨዋታዎች መጋቢት 7/2010 ዓ/ም  እንደሚጀምር እወቁት ሲሉ በላኩት ደብዳቤ ገልፀዋል፡፡

የ16ኛው ሳምንት ጨዋታዎች መጋቢት 7  ቅዳሜ በ8:00 ሰዓት በአዲስ አበባ ስታዲዬም ፋሲል ከተማ ከ ወልዋሎ አዲግራት ዩኒቨርሲቲ በሚያደርጉት ጨዋታ ሲጀምር ሌሎች ጨዋታዎች በ9:00 እና በ10:00 ሰዓት በተለያዩ ከተሞችና ስታዲየሞች ቀጥለው ይካሄዳሉ፡፡