መነሻ ገጽ ሪፖርት ሪፖርት | ስሑል ሽረ በዲድዬ ሌብሪ ብቸኛ ግብ ኢትዮጵያ ቡናን አሸነፈ
ሪፖርትስሁል ሽረኢትዮጵያ ቡናዜናዎች

ሪፖርት | ስሑል ሽረ በዲድዬ ሌብሪ ብቸኛ ግብ ኢትዮጵያ ቡናን አሸነፈ

አጋራ
አጋራ

 

ሽረ አንዳስላሰ ስታድየም እድሳት ላይ መሆኑን ተከትሎ የ2012 የመጀመርያ ጨዋታቸውን በትግራይ ስታድየም ያካሄዱት ስሑል ሽረዎች በመጀመርያው አጋማሽ በዲድዬ ሌብሪ አማካኝነት ባስቆጠሩት ግብ ታግዘው የዓመቱ የመጀመርያ ጨዋታቸውን በድል ጀምረዋል።ስሑል ሽረዎች አዳዲስ ፈራሚዎቻቸውን ምንተስኖት አሎ፣በረከት ተሰማ፣አብዱልለጢፍ መሀመድ፣ዲድዬ ሌብሪ፣አክሊሉ ዋለልኝን ቀዋሚ 11 ውስጥ ሲያካትቱ በካሳዬ አራጌ ሚመሩ ቡናዎች በበኩላቸው አዲስ አበባ ዋንጫ ላይ ቅዱስ ጊዮርጊስን ከገጠመው ቀዋሚ 11 አማኑኤል ዮውሃንስን በአህመድ ረሺድ፣ታፈሰ ሰለሞን በአላዛር ሽመልስ በመቀየር ጨዋታቸውን ጀምረዋል።

የኢትዮጵያ ቡና የተቆራረጡ ቅብብሎች የስሁል ሽረ ፈጣን የማጥቃት ሽግግርና ተደጋጋሚ ሙከራዎች መጀመርያ አጋማሽ ላይ የታዩ የሁለቱም ቡድኖች እንቅስቃሴዎች ነበሩ።ቡናዎች ኳስን ከኃላ በሚጀምሩበት ጊዜ የስሁል ሽረ ተጨዋቾች ሰው በሰው በመጫን(pressing) ተደጋጋሚ ስህተቶች እንዲሰሩና ስህተቶችን በመጠቀም እድሎችን ለመፍጠር ያደረጉት ሙከራ ተሳክቶላቸው በርካታ የግብ እድሎችን መፍጠር ችለዋል።በ4-2-3-1 አሰላለፍ ፊት ላይ በተጣመሩት በሁለቱም መስመር የተሰለፋት ዲድዬ ሌብሪና አብዱልለጢፍ መሀመድ ትኩረት ያደረገው የሽረዎች ፈጣን ማጥቃት እንቅስቃሴ በ2ኛው ደቂቃ በሳሊፍ ፎፎና ሙከራ ጅማሬውን አድርጓል።በተለይ በግራ መስመር የተሰለፈው አብዱልለጢፍ ሚያሻማቸው ኳሶች የቡና ተከላካይ ክፍልን ሲያስቸግር ታይቷል።የዚህም ውጤት በ21ኛው ደቂቃ አብዱልለጢፍ ከግራ መስመር ያሻማው ኳስ ሳሊፍ ፎፎና በጥሩ ሁኔታ ለዲድዬ ሌብሪ አቀብሎት ዲድዬ በጥሩ አጨራረስ ክለቡን መሪ ማድረግ ችሏል።ኢትዮጵያ ቡናዎች ከግቡ መቆጠር በኃላም በተመሳሳይ መንገድ በአጭር ቅብብል ለማለፍ ሚያደርጉት ሙከራ ቢያስቀጥሉም ሽግግር ላይ በነበራቸው ክፍተት የጠሩ የግብ እድሎች እንዳይፈጥሩ አድርጓቸዋል።ስሑል ሽረዎች በተቃራኒው ከቡና ተጨዋቾች እግር በሚነጥቅዋቸው ኳሶችን በመጠቀም በያሰር ሙገርዋ፣ሄኖክ ዋለልኝ አማካኝነት ሙከራዎችን ቢያደርጉም ጨዋታው ላይ ጥሩ በተንቀሳቀሰው ተክለማርያም ሻንቆ ተመልሶባቸዋል።

ሁለተኛው አጋማሽ ላይ ኢትዮጵያ ቡናዎች እንደ መጀመርያው አጋማሽ በተመሳሳይ መልኩ ኳሱን ከራሳቸው ክፍል በአጭር ቅብብል ለመውጣት ቢሞክሩም በሜዳው የመጨረሻ ክፍል ሲደርሱ የነበራቸው አለመግባባት የስሁል ሽረን ተከላካይ ክፍልን እንዳያስከፍቱ እንቅፋት ሆኗቸው ታይቷል። መሀል ላይ የተሰለፋት ፍቅረየሱስ ተክለብርሀን፣አለም አንተ ካሳ ከአጥቂው እና ከተከላካይ ክፍል የነበራቸው ቅንጅት ጥሩ ሚባል አለመሆኑ ቡናዎች በቀላሉ በስሁል ሽረ የጨዋታ እቅድ ቁጥጥር ስር እንዲወድቁ አድርጓቸዋል።ስሁላውያን በፈጣን መልሶ ማጥቃት በሁለተኛው አጋማሽ በዲድዬ ሌብሪ፣ሳሊፍ ፎፎና ና አብዱልለጢፍ አማካኝነት ሙከራዎችን ቢያደርጉም ተጨማሪ ግብ ሳያስቆጥሩ ጨዋታው ሊጠናቀቅ ችሏል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...