ሪፖርት | ሲዳማ ቡና ከኢትዮ-ኤሌክትሪክ ነጥብ ተጋርተው ወጥተዋል።

በ 15ኛ ሳምንት የኢትዮጽያ ፕሪሜየር ሊግ ይርጋለም ስታድየም ላይ ኢትዮ ኤሌክትሪክን ያስተናገደው ሲዳማ ቡና ነጥብ ተጋርቶ ወጥቷል ። 

ሲዳማ ቡና ቀድሞ ይጠቀማቸው ከነበረው 3 ተጫዋቾችን ለውጦ ሲገባ የመጀመርያው 45 ይሄ ነው የሚባል ሙከራ ሳይደረግበት ብሎም የጨዋታ ፍሰት ሳይኖረው ያለቀ ሲሆን በ አመዛኙ ሲዳማ ቡና ተጭኖ በመጫወት ጥረት ማድረግ ችሏል። 

በጨዋታው  ሹክቻና ውጥረት የበዛበትና  ጨዋታውን  ለመቆጣጠር ለዳኞች  አስቸጋሪ የሆነ የመጀመሪያ  አጋማሽ ነበር። በ 37ኛ” ድቂቃ የ እንግዳው ቡድን የኤሌክትሪኩ  አምበል አዲስ ነጋሽ ከ ዳኛው ጋር ከልክ በላይ በመከራከሩ የ ቢጫ ካርድ ሰለባ ሆኖአል።በዚሁ ጨዋታው  የጎላ የጎል ሙከራ ሳይደረግበት ወደ መልበሻ ቤት አምርቷል ።

በ 2ኛው አጋማሽ  መጀመሪያ ተሽሎ የ ገባው ሲዳማ ቡና ገና ሁለትኛው 45 እንደተጀመረ  በ46ኛ  ደቂቃ ላይ የኤሌክትሪክ  ተከላካዮችን  ስህተት ተጠቅሞ ባዬ ገዛኸኝ ባለ ሜዳው ቡድን መሪ የሚሆንበትን ግብ አስቆጥሮ 1-0 መሪነት እንዲይዙ ሲያስችል። በአንጻሩ ኤሌክትሪኮች ከግቧ መቆጠር በኃላ ወደ ግብ በመጠጋት  ሙሉለሙሉ የበላይነትን መውሰድ ችለዋል።  በ 70 ኛ ደቂቃ ላይ  ተክሉ ተስፋዬን በ ሀይሌ እሸቱ  ቀይረው ማስገባት ችለዋል ። ከ ተክሉ መግባት በኅላ በተደጋጋሚ  ጫና መፍጠር የቻሉት  ኤሌክትርኮ በ 78ኛ ደቂቃ ላይ በተክሉ ተስፋዬ አማካኝነት የ አቻነቱን ግብ ማስቆጠር ችሏል  ። ከግቧ መቆጠር  በኃላ ውጤቱን ለመቀልበስ መሀመድ አብዱለጢፍን ፣አማሃ በለጠንና አዲሱ ተስፋዬን ቀይረው  ቢያስገቡም በውጤቱ ላይ ለውጥ ማምጣት አልቻሉም።ጨዋታው በዚሁ የአቻ 1-1 ውጤት ተጠናቋል።
ከጨዋታው መጠናቀቅ  በኃላ የሲዳማ ቡና ደጋፊዎች የስታዲየም በር በመዘጋት  ቅሬታቸውን አሰምተዋል። በክለባቸው  ውጤት ደስተኛ ያልሆኑት ደጋፊዎች  ከተወሰኑ አለመግባባቶች በኃላ ግጭቱ  በሰላም  በውይይት ተፈቷል።

የአሰልጣኞች አስተያየት 

አለማየሁ አባይነህ ~ሲዳማ ቡና

 ” በጨዋታው በተውሰነ መልኩ ቡድኔ ውስጥ አለመረጋጋት ነበረ። በተወሰኑ ተጫዋቾች ምክንያት ውጤቱን አጥተናል። በቀጣይ ዙር ከ ሜዳችን ውጪም በማሸነፍ ፉክክር ውስጥ እንገባለን ”                              

አሸናፊ በቀለ ~ኢትዮ-ኤሌክትሪክ 

“በተጋድሎም ቢሆን ከ ሜዳችን ውጭ 1 ነጥብ መውሰድ ችለናል  ።ለ ቀጣዩ 2ኛ ዙር ጠንክረን እንቀርባለን ።ከወራጅ ቀጠና ለመውጣት ከልጄቼ ጋር እንተጋለን ።”