የኢትዮዽያ ከ23 አመት በታች ብሔራዊ ቡድን የተጋጣሚን ማግለል ተከትሎ ቀጣዩን ዙር ተቀላቀለች።

ከ23 ዓመት በታች የአፍሪካ ዋንጫ ማጣሪያ ተጋጣሚ የነበረችው ዩጋንዳ ከውድድሩ ራሷን ማግለሏን ተከትሎ የኢትዮጵያ ከ23 ዓመት በታች ብሔራዊ ቡድን በፎርፌ ወደ ቀጣዩ ዙር ማለፉን አረጋግጧል።
የመጀመሪያው ዙር ጨዋታ በዛሬው ዕለት መካሄድ የነበረበት ቢሆንም በዩጋንዳ ራሷን ማግለል ምክንያት ሳይካሄድ ቀርቷል።
በዚህም መሠረት የኢትዮጵያ ብሔራዊ ቡድን በሁለተኛው የማጣሪያ ዙር ከሞሮኮ አቻው ጋር የሚገናኝ ሲሆነወ የመጀመሪያው ጨዋታ ጥቅምት 30 ቀን እንዲሁም የመልሱ ጨዋታው ህዳር 8 ቀን ይካሄዳል።
42 ብሔራዊ ቡድኖች በሚሳተፉበት ማጣሪያ ሶስቱንም የማጣሪያ ዙሮች የሚያልፉ ሰባት ሀገራት ከአዘጋጇ ግብጽ ጋር በመቀላቀል በአፍሪካ ዋንጫው ላይ ይሳተፋሉ።
አስተያየት ይስጡ