መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | አዳማ ከተማ ጅማ አባጅፋርን በዳዋ ሆቴሳ ብቸኛ ግብ አሸንፏል
ቤትኪንግ የኢትዮጵያ ፕሪምየር ሊግአዳማ ከተማዜናዎችየጨዋታ ዘገባጅማ አባጅፋር

የጨዋታ ዘገባ | አዳማ ከተማ ጅማ አባጅፋርን በዳዋ ሆቴሳ ብቸኛ ግብ አሸንፏል

አጋራ
አጋራ

የፕሪምየር ሊጉ ሁለተኛ ሳምንት ጨዋታዎች በዛሬው ዕለት ሲጀመሩ በመጀመሪያው ጨዋታ ሁለቱን የኦሮሚያ ክልል ክለቦች ያገናኘ ሲሆን በጨዋታውም በፋሲል ተካልኝ የሚመራው አዳማ ከተማ 1 ለ 0 ማሸነፍ ችሏል ።

ሁለቱም ክለቦች በመጀመሪያው አሰላለፍ ከመጀመሪያ ሳምንት ጨዋታቸው የተወሰኑ ለውጦችን ያደረጉ ሲሆን ጅማ አባጅፋር አራት እንዲሁም አዳማ ከተማ ሶስት ቅያሪዎችን አድርገው ወደ ሜዳ ገብተዋል ።

ጨዋታው በመጀመሪያ ደቂቃዎች በሁለቱም ቡድኖች በኩል ወደ ፊት ሄደው ግብ ለማስቆጠር ጥሩ ሊባል የሚችል እንቅስቃሴዎችን ያደረጉ ሲሆን በ4ኛው ደቂቃ ላይ ወጣቱ አጥቂ መሀመድኑር ናስር ከማዕዘን የተሻማ ኳስ ነፃ ሆኖ አግኝቶት ወደ ግብ ቢሞክረውም ምቱ ጠንካራ ባለመሆኑ የአዳማ ከተማው የግብ ዘብ ሴኩባ ካማራ በቀላሉ ሊይዘው ችሏል ። በአዳማ ከተማ በኩል የመጀመሪያውን ኢላማውን የጠበቀ ሙከራ ያደረጉት በ9ኛው ደቂቃ በአሜ መሀመድ አማካይነት ሲሆን የተመታውን ኳስ የጅማ አባጅፋሩ ግብ ጠባቂ ታምራት ዳኜ ሊያወጣው ችሏል ።

በጨዋታው የአስራዎቹ ደቂቃ መጨረሻ አካባቢ በላይ አባይነህ በአብዲሳ ጀማል ላይ ጥፋት በመስራቱ አዳማ ከተማዎች የቅጣት ምት አገኙ ። የቅጣት ምቱን ከዚህ ቀደም በጥሩ የቅጣት ምት መቺነቱ የሚታወቀው አምበሉ ዳዋ ሆቴሳ መቶት 20ኛው ደቂቃ ላይ ግብ መስቆጠር ችለዋል ።

ጅማ አባጅፋሮች ከግቧ መቆጠር በኋላ የአቻነቷን ግብ ለማግኘት ወደ ፊት ለመሄድ ጥረቶች ያደረጉ ሲሆን በተለይም 27ኛው ደቂቃ ላይ ዳዊት ፍቃዱ ከጎሉ አቅራቢያ ሆኖ ወደ ግብ መቶት ግብ ጠባቂው ተፍቶት በድጋሚ ዱላ ሙላቱ ሞክሮት የግቡ ቋሚ የመለሳት ኳስ ለአሸናፊ በቀለ ቡድን አስቆጪ ነበረች ። የጨዋታው የመጀመሪያ አጋማሽም በአዳማ ከተማ መሪነት ተጠናቀቀ ።

በሁለተኛው አጋማሽ 47ኛ ደቂቃ ላይ ግብ አስቆጣሪው ዳዋ ሆቴሳ ከአሜ መሀመድ ከቀኝ መስመር የተሻገረለትን ኳስ ወደ ግብ ቢሞክራትም በታምራት ዳኜ ሊመለስ ችሏል ።

በጨዋታው ግብ ከማስቆጠሩም ባሻገር ጥሩ ብቃትን ሲያሳይ የነበረው ዳዋ 65ኛ ደቂቃ ላይ ራሱ ላይ በተሰራ ጥፋት ያገኘውን የቅጣት ምት በግሩም ሁኔታ ወደ ግብ ቢሞክረውም በድጋሚ ግብ ጠባቂው አድኖበታል ። በ71ኛው ደቂቃ ላይ የጅማ አባጅፋሩ 20 ቁጥር አባይ በላይነህ ከርቀት የመታው ኢላማውን የጠበቀ የግብ ሙከራ በግብ ጠባቂው ሴኮባ ካማራ አማካኝነት ለጥቂት ግብ ሳይሆን ቀርቷል ።

በጨዋታው ሁለተኛ አጋማሽ በተለይም የጨዋታው የመጨረሻ ደቂቃዎች ላይ ከፍተኛ ጫና ፈጥሮ የነበረው ጅማ አባጅፋር ኳሱን ከመረብ የሚያገናኝለት ተጫዋች ማግኘት አልቻለም ። የጨዋታው የመጨረሻ ውጤትም ጅማ አባጅፋር 0 አዳማ ከተማ 1 በመሆን ተጠናቋል ። ውጤቱን ተከትሎም አዳማ ከተማ በ4 ነጥብ በጊዜያዊነት የሊጉ የደረጃ አናት መቆናጠጥ ችሏል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...