መነሻ ገጽ ኢትዮጵያ ቡና በበርካታ ደጋፊዎች ታጅቦ የተደረገዉን የኢትዮጵያ ዋንጫ የፍፃሜ ጨዋታ ኢትዮጵያ ቡና ማሸነፍ ችሏል !!
ኢትዮጵያ ቡናወላይታ ድቻዜናዎችየኢትዮጵያ እግር ኳስ ፌዴሬሽንየኢትዮጵያ ዋንጫ

በበርካታ ደጋፊዎች ታጅቦ የተደረገዉን የኢትዮጵያ ዋንጫ የፍፃሜ ጨዋታ ኢትዮጵያ ቡና ማሸነፍ ችሏል !!

አጋራ
አጋራ

በርከት ባሉ የእግርኳሱ ከፍተኛ ባለስልጣናት የክብር እንግዶች እና በበርካታ ደጋፊዎች ታጅቦ ቀን ዘጠኝ ሰዓት ሲል በኢንተርናሽናል ዋና ዳኛ ቴዎድሮስ ምትኩ ፊሽካ በጀመረዉ ጨዋታ በመጀመሪያዎቹ ደቂቃዎች ሁለቱም ክለቦች ተመጣጣኝ የሜዳ ላይ እንቅስቃሴን እያስመለከቱን ነገር ግን ያን ያህል ተጠቃሽ ሙከራዎችን ሁለቱም ክለቦች ሳያስመለክቱን ቀጥለዋል።

በዚህ ሂደት በቀጠለዉ ጨዋታ ምንም እንኳን አደገኛ የሚባሉ ኢላማቸዉን የጠበቁ ሙከራዎችን እምብዛም መመልከት ባንችልም ነገር ግን አማኑኤል ዮሐንስ እና አብዱልከሪም ወርቁ በቡናማዎቹ በኩል እንዲሁም አበባየሁ ሀጂሶ እና ቢኒያም ፍቅሬ ደግሞ በጦና ንቦቹ በኩል ዕድሎችን ቢያገኙም ነገር ግን በመጠቀሙ ረገድ ደካማ ሁነዉ ተስተውሏል።

ከዕረፍት መልስ ለተወሰኑ ያክል ደቂቃዎች ጨዋታዉ በተመሳሳይ ሁነት ቀጠለ በኋላ በ51ኛዉ ደቂቃ ላይ ከቀኝ መስመር በኩል የተሻገረዉን ኳስ አጥቂዉ ቢኒያም ፍቅሬ ከተቆጣጠረ በኋላ ለአበባየሁ ሀጂሶ አቀብሎት ተጫዋቹም ሳጥን ውስጥ ገፍቶ በመግባት ድንቅ ጎል አስቆጥሮ ክለቡን መሪ ማድረግ ችሏል።

 

በ65ተኛዉ ደቂቃ ላይ ደግሞ ግብ ከተቆጠረባቸዉ በኋላ በተለየ መነሳሳት ወደ ጨዋታዉ የሚመልሳቸዉን ግብ ለማግኘት መጣር የቀጠሉት ቡናማዎቹ የአቻነት ግብ ማስቆጠር ችለዋል። በዚህም በተጠቀሰዉ ደቂቃ አማኑኤል ዮሐንስ ላይ ጥፋት መሰራቱን ተከትሎ የተሰጠዉን ፍፁም ቅጣት ምት ተከላካዩ ዋሳዋ ጂኦፍሬ አስቆጥሮ ክለቡን አቻ ማድረግ ችሏል።

መደበኛዉ ዘጠና ደቂቃ አንድ አቻ በሆነ ዉጤት መጠናቀቁን ተከትሎ ጨዋታዉ ወደ ጭማሪ ሰላሳ ደቂቃ አምርቶ የነበረ ሲሆን በዚህም ጭማሪዉ ደቂቃ አብቅቶ ክለቦቹ ወደ መለያ ምት ሊያመሩ አምስት ያክል ደቂቃዎች ብቻ በቀሯቸዉ ወቅት ግን የወላይታ ዲቻ ሳጥን ውስጥ ኳስ በዕጅ መነካቱን ተከትሎ የተሰጠዉን ፍፁም ቅጣት ምት ዋሳዋ ጂኦፍሪ ዳግም አስቆጥሮ ክለቡ ኢትዮጵያ ቡና ለስድስተኛ ጊዜ የኢትዮጵያ ዋንጫ አሸናፊ እንዲሆን አስችሏል።

ከጨዋታዉ መጠናቀቅ በኋላ ቡናማዎቹ የዋንጫ ክብራቸዉን ከዕለቱ የክብር እንግዶች ዕጅ መቀበል ሲችሉ ፤ በቀጣዩ የውድድር አመትም ኢትዮጵያን በመወከል በአፍሪካ ኮንፍደሬሽን ካፕ ተሳታፊ የሚሆኑ ይሆናል። በተቃራኒው በጨዋታዉ መገባደጃ ወቅት በተሰጠዉ ፍፁም ቅጣት ምት ዙሪያ በዳኞነቱ ላይ ከፍተኛ ቅሬታ የነበራቸዉ ወላይታ ዲቻዎች የብር ሜዳልያ ሽልማታቸዉን ሳይቀበሉ ቀርተዋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...