መነሻ ገጽ ለገጣፎ ከተማ የለገጣፎ ለገዳዲ እግር ኳስ ክለብ ደማቅ አቀባበል ተደርጎለታል
ለገጣፎ ከተማቤትኪንግ የኢትዮጵያ ፕሪምየር ሊግዜናዎችየኢትዮጵያ ከፍተኛ ሊግ

የለገጣፎ ለገዳዲ እግር ኳስ ክለብ ደማቅ አቀባበል ተደርጎለታል

አጋራ
አጋራ

ባሳለፍነው አርብ በተጠናቀቀው የኢትዮጵያ ከፍተኛ ሊግ ላይ በምድብ ለ ምድቡን በበላይነት በማጠናቀቅ በ2015 የቤትኪንግ የኢትዮጵያ ፕሪሚየር ሊግ ላይ መሳተፋቸውን ካረጋገጡት ሶስት ክለቦች አንዱ የሆነው እና ለመጀመሪያ ጊዜ ወደ ፕሪምየር ሊጉ መደጉን ያረጋገጠው የለገጣፎ ለገዳዲ እግር ኳስ ክለብ ወደ ከተማው ሲገባ ሞቅ ያለ አቀባበል ተደርጎለታል ።

ለገጣፎ ለገዳዲ ከተማ በመጨረሻው ቀን ባቱ ላይ በተካሄደ ጨዋታ የሰንደፋ በኬን ክለብ 4 ለ 0 በማሸነፍ እና በውድድሩ ላይ በአጠቃላይ 36 ነጥቦችን በመሰብሰብ ከተከታዩ ቤንቺ ማጂ በሶሰት ነጥብ በመብለጥ ነበር ወደ ሊጉ ማደጉን ያረጋገጠው ።

ቡድኑ ወደ ከተማው ሲገባ በክፍት መኪና በመዘዋወር ከህዝቡ ጋር ደስታውን የገለፀ ሲሆን ከጎዳና ላይ ዝግጅቱ በኋላ በዳሌ ደምበል ሆቴል የአቀባበል ስነ ስርዓት ተካሂዶለታል ። የሆቴሉ ዝግጅት አባ ገዳዎች ፣ የሀገር ሽማግሌዎች ፣ የከተማው ከንቲባ እና የክለቡ ደጋፊዎች በተገኙበት የተደረገ ነበር ።

በስነ ስርዓቱ ላይም ለተጫዋቾቹ ለአሰልጣኞች እና ለሌሎች የቡድኑ አባለት የዕውቅና እና ለኮከብ ተጫዋቾች ሽልማት ከተሰጠ በኋላ ድል ያደረጉበትን ዋንጫ ለከተማው ከንቲባ አቶ በሪሶ ተመስገን አስረክበው የአቀባበል ስነ ስርዓቱ ተጠናቋል ።

ፕሪሚየር ሊጉ ገና የ14 ሳምንታት ቀሪ ጨዋታዎች ያሉት ሲሆን የቀጣይ አመት የውድድር ዘመን እስኪደርስ ተጫዋቾች በምን አይነት መልኩ ቀጣዩን ጊዜ ያሳልፋሉ የሚለው ለብዙዎች ጥያቄ ሲሆን ምናልባትም ከሰሞኑ በተደጋጋሚ እየሰማን እንዳለነው ወደ ሌሎች የፕሪሚየር ሊግ ክለቦች በውሰት በማምራት ሊያሳልፉ እንደሚችሉ ይጠበቃል ። የውድድሩ ገና በዚህ ጊዜ መጠናቀቅ እና ያስነሳቸው ጥያቄዎች በቀጣይ የኢትዮጵያ እግር ኳስ ፌዴሬሽን የውድድሩን ፕሮግራሞችን በቀጣይ ሲያወጣ ሊያስተካክለው የሚገባ ተግባር መሆኑ ሊሰመርበት ይገባል ።

ሌላው ጉዳይ አንዳንድ ወደ ፕሪሚየር ሊጉ የሚያድጉ ክለቦች ሲያደርጉ የተመለከትነው እና ክለቦች አድገው ደካማ እንቅስቃሴ ለማሳየታቸው እንደምክንያት የሚነሳው ጉዳይ ያሉትን ተጫዋቾች በሌሎች ተጫዋቾች በመተካት በሊጉ ላይ መሳተፋቸው እንደሆነ ይታወቃል ። በቀጣይስ ለገጣፎ ለገዳዲ ከተማ ክለቡን ባሳደጉት ወጣት ተጫዋቾች የ2015 የቤትኪንግ ኢትዮጵያ ፕሪሚየር ሊግን ያከናውን ይሆን ወይንስ በሌሎች ተጫዋቾች ተክቶ ይሳተፍ ይሆን ? በቀጣይ አመት የምንመለከተው ይሆናል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...