መነሻ ገጽ ቃለመጠይቅ የአዲስ አበባ ወጣቶችና ስፖርት ቢሮ ም/ል ሃላፊ ትውልደ ኢትዮጵያዊው ቢኒያም ምሩጽን እንዲታገድ ሜድረጉ ቅሬታ ቀሰቀሰ
ቃለመጠይቅአትሌቲክስዜናዎች

የአዲስ አበባ ወጣቶችና ስፖርት ቢሮ ም/ል ሃላፊ ትውልደ ኢትዮጵያዊው ቢኒያም ምሩጽን እንዲታገድ ሜድረጉ ቅሬታ ቀሰቀሰ

አጋራ
አጋራ

 

👉 …..የአዲሰ አበባ አትሌቲክስ ፌዴሬሽን ጠቅላላ
ጉባኤም ላልተወሰነ ጊዜ ተራዘመ …

👉 “ባሳየነው ለውጥ አንደኛ ተብዬ መሸለም እንጂ እንዲህ መገፋትን አልጠበኩም በጣም ቅር ነው ያለኝ”

👉 “መብትቴን የጣሱትን ግለሰቦች ላይ ህጋዊ ርምጃ እወስዳለሁ”

አቶ ቢኒያም ምሩጽ
/ የአዲስ አበባ አትሌቲክስ ፊዴሬሽን ፕሬዝዳንት/

በህዝብ ተወካዮች ምክር ቤት በ1994 የወጣው የዲያስፖራ አዋጅ ትውልደ ኢትዮጵያዊያን ከመከላከያ፣ ከደህንነት መስሪያ ቤት እንዲሁም ከመምረጥ መመረጥ ውጪ ሌሎቹን እንዲሰሩ ይፈቅዳል… የአዲስ አበባ ወጣቶችና ስፖርት ቢሮ ግን ይህን የተቀበለው አይመስልም …. የካናዳ ዜግነት ያላቸው ትውልደ ኢትዮጵያዊው አቶ ቢኒያም ምሩጽ በፕሬዝዳንታዊ ምርጫ እንዳይካፈል የቢሮው አመራሮች ጣልቃ መግባታቸው አቶ ቢኒያም ምሩጽን ጉዳዩን ወደ ህግ እንዲወስደው አድርጎታል… የቢሮው
ም/ል ሃላፊ አቶ ዳዊት ትርፉ የአቶ ቢኒያምን ውክልና በስልክ ትዕዛዝ ሲያሽሩ ጉዳዩ ያልጣማቸውና አለመግባባቱን ከውጪ ሲመጡ የሰሙት የቢሮው ሃላፊ አቶ በላይ ደጀን ደግም ጉዳዩን ላጣራ በሚል
የአዲስ አበባ አትሌቲክስ ፌዴሬሽን ሊያካሂደው የነበረውን ጠቅላላ ጉባኤና የምርጫ ቀን እንዲራዘም አድርገዋል.. /የአዲስ አበባ ወጣቶችና ስፖርት ቢሮ ከዚህም ውጪ ከ32ቱ ፌዴሬሽኖች መሃል በአንዱ ፌዴሬሽን የውስጥ ጉዳይ ጣልቃ በመግባትና አላሰራ በሚል ውስጥ ለውስጥ የቆረቆዘ ውዝግብ ውስጥ የገባ ሲሆንዘ ሙሉ ማስረጃ እጃችን እንደገባ የምናቀርበው ይሆናል../ ለዛሬ ግን አቶ ቢኒያም ከአቶ ዳዊት ጋር የገቡበትን ውዝግብ በተመለከተ ከጋዜጠኛ ዮሴፍ ከፈለኝ ጋር ያደረጉት ቃለምምልስን አቅርበንላቸዋል….

ሀትሪክ:- የአዲስ አበባ ከተማ ወጣቶችና ስፖርት ቢሮ ለአዲስ አበባ አትሌቲክስ ፌዴሬሽን ፕሬዝዳንታዊ ምርጫ ላይ መወዳደር አትችልም ለማለት ያቀረቡት ምክንያት ምንድነው…?

ቢኒያም:- ዋናው ምክንያትማ የውጪ ሀገር ዜጋ ነህ ፕሬዝዳንታዊ ውድድር ላይ መካፈል አትችልም በሚል ነው… የዛሬ አራት አመትም የተወዳደርኩት የውጪ ሀገር ዜጋ ሆኜ ነው ምንም የተፈጠረ ነገር በሌለበት ለምን ሊከለክሉ እንደፈለጉም አልገባኝም… በምን መንገድ እንዳልወዳደር ለማድረግ እንደፈለጉም አልገባኝም…

ሀትሪክ :- በርግጥ ግን መወዳደር የሚከለክል ህግ አለ….?

ቢኒያም:- ኧረ በፍጹም የለም …በህዝብ ተወካዮች ምክር ቤት በ1994 የወጣ የዲያስፖራው አዋጅ ላይ በግልጽ ተቀምጧል ትውልደ ኢትዮጵያዊያን ከመከላከያ፣ ከደህንነት መስሪያ ቤት እንዲሁም ከመምረጥ መመረጥ ውጪ ሌሎቹን እንዲሰሩ ይፈቅዳል። አዋጁ ነጋሪት ጋዜጣ ላይ የወጣ ነው ብዬ ወስጄ ሰጥቻቸዋለሁ እንግዲህ ምን እንደሚሆን አብረን የምናየው ነው የሚሆነው.. የኢትዮጵያ ባህልና ስፖርት ሚኒስቴር ለክልል ፌዴሬሽኖች እንደማያገባቸው በገለጸበት ሂደት ነው አትወዳደርም ትውልደ ኢትዮጵያዊ ነህ ብለው ሊከለክሉኝ የፈለጉት …

ሀትሪክ:- ትዕዛዙን ያስተላለፈው ማነው…?

ቢኒያም:- የወጣቶችና ስፖርት ቢሮ ምክትል ሃላፊው አቶ ዳዊት ትርፉ ናቸው…. ለፕሬዝዳንትነት ተወዳድሬ ያሸነፍኩትና የተወከልኩት ከቂርቆስ ክፍለ ከተማ ነው የጽ/ቤት ሃላፊው ጋር ደውሎ ለላከው ውክልና ሌላ የመሻሪያ ደብዳቤ ጻፍ ብሎ ያጻፈው እሱ ነው ሃላፊውም በደብዳቤ ሳይሆን በስልክ ተነግሮት ነው የጻፈው… አሁን የመሻሪያ ደብዳቤ ተጽፏል።

ሀትሪክ:- ጉባኤው ዘገየ የሚለው ነገርስ…?

ቢኒያም:- የወጣቶችና ስፖርት ቢሮ ሃላፊው አቶ በላይ ደጀን ከሀገር ውጪ ስለነበር ሲመለስ ሰምቶ ቢሮው ጣልቃ መግባት የለበትም እንዲህ አይነት አሰራር የለም ማጣራት እናደርጋለን በሚል ጥቅምት 11/2016
ሊካሄድ የነበረው ጠቅላላ ጉባኤ እንዲዘገይ አድርጎታል …

ሀትሪክ:- ጉባኤውን አራዝሙ የሚል ደብዳቤ
ደርሷችኋል ..?

ቢኒያም:- ጉባኤው እንዲራዘም የወጣቶችና ስፖርት ቢሮ ሃላፊው አቶ በላይ ደጀን ነው ያዘዘው …በርግጥ እንዲራዘም የሚያዝ ደብዳቤ አልደረሰንም …በቀጣይ በፌዴሬሽኑ ጽ/ቤት ደረጃ ቢሮው ህጋዊ ደብዳቤ እንዲሰጠን እንጠይቃለን …

ሀትሪክ:-ጉዳዩን ወደ ህግ ወሰድከው የሚልም መረጃ ሰምቻለሁ… እውነት ነው..?

ቢኒያም:- አዎ ግለሰቦችን ነው የምከሰው … በመንግስት በተወካዮች ምክር ቤት የተፈቀደውን መብቴን ለመጣስ የምከሩትን ግለሰቦችን ነው ፍርድ ቤት የማቆመው …

ሀትሪክ:- የአራት አመቱ ፕሬዝዳንታዊ ቆይታህ እንዴት ይገለጻል..?

ቢኒያም:- የአዲስ አበባ አትሌቲክስ ፌዴሬሽንን ከአራት አመት በፊት የምታውቀው ይመስለኛል..እንዳሁኑ አልነበረም የወጣቶችና ስፖርት ቢሮ ባለፉት ሶስት አመታት በተከታታይ ባደረገው ግምገማ ከ32 ፌዴሬሽኖች በስራ አፈጻጸም አንደኛ ተብሎ የተመረጠው የኛ የአዲስ አበባ ከተማ አትሌቲክስ ፌዴሬሽን ነው .. ..ከፕሮጀክት ፣ከውድድር ፣ ከቢሮ አደረጃጀት አንጻር ባሳየነው ለውጥ አንደኛ ተብዬ መሸለም እንጂ እንዲህ መገፋትን አልጠበኩም በጣም ቅር ነው ያለኝ . … ፌዴሬሽኑን ላገለግል ስለመጣሁ ባለፉት አራት አመታት እንደ ፕሬዝዳንትነቴ አንድም ቀን አበል ወስጄ አላውቅም የነዳጅ ተሰጥቶኝ አያውቅ…በነጻ አገለገልኩ እንጂ አምስት ሳንቲም ወስጄ አላውቅም…. በራሴ መኪና 42 ኪሎ ሜትር እየለካሁ የሰራሁ ሰው ነኝ ምን አድርጌያቸው እንደሆነም አላውቅም በጣም ቅር ብሎኛል በህግ መብቴን ለማስከበር ግን ጉዳዩን ወደ ህግ እወስደዋለሁ…

ሀትሪክ :- አመሰግናለሁ አቶ ቢኒያም ….

ቢኒያም:- እኔም አመሰግናለሁ..

ማሳሰቢያ:-
ከአቶ ቢኒያም ምሩጽ ጋር በተደረገው ቃለምምልልስ ዙሪያ ቢሮው ምላሽ ካለው ለማስተናገድ በራችን ክፍት መሆኑን እንገልጻለን…..

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...