የካሜሮን እና የሴንትራል አፍሪካ ሪፐቭሊክ ዳኞች በጣምራ በባህርዳር የሚደረገውን ወሳኝ ጨዋታ ይመራሉ።

በአፍሪካ ዋንጫ ማጣሪያ ሱዳን እና ሴኔጋልን የኢትዮጵያ ብሔራዊ ቡድን በማጣሪያ መርሀግብሩ የሚያስተናግድ ሲሆን የሴኔጋል ብሔራዊ ቡድንን መስከረም 19 ኢትዮጵያ በባህርዳር ስታዲየም ስትገጥም ሁለት የካሜሮን እና ሁለት የሴንትራል አፍሪካ ሪፐቭሊክ ዜግነት ያላቸው በድምሩ አራት ኢንተርናሽናል ዳኞች ይሄንን ጨዋታ እንደሚመሩት ለማወቅ ተችሏል።
ከወራት በፊት በአሰልጣኝ ቤንጃሚን ዚመር የኢትዮጵያ ከ17 አመት በታች ብሔራዊ ቡድን ከሞሮኮ ጋር የአፍሪካ ዋንጫ ጨዋታ መርተው የነበሩት ዊሊ ስቴፋን ንጋህ በመሐል ዳኝነት ይህንን መርሀግብር ሲመሩ የሀገራቸው ልጅ ቪሰንት ኔክማዘም እና የሴንትራል አፍሪካ ሪፐቨሊክ ዜግነት ያላቸው ቦዞይ ኦሪያ በረዳትነት ሌላው አንድሬ ኦነሲሜ ደግሞ በአራተኛ ዳኝነት በጣምራ ይመሩታል።
አስተያየት ይስጡ