በሳምንቱ የተመሳሳይ ሰዓት ጨዋታዎች ላይ የተፈጠሩ ክስተቶችን ተከተሎም ለጨዋታ ታዛቢዎች፣ ዳኞችና የቡድን መሪዎች ጥሪ ተደርጓል።
የኢትዮጵያ ፕሪሚየር ሊግ ውድድር አመራርና ስነ-ስርዓት ኮሚቴ እሁድ ሰኔ 26 2014 ዓ.ም ባደረገው ስብሰባ የተደረጉ ፕሪሚየር ሊግ ግጥሚያ(ዎች)ከዳኞች እና ከታዛቢዎች የቀረቡለትን የዲሲፕሊን ሪፖርት ከመረመረ በኋላ የተለያዩ የዲሲፕሊን ውሳኔዎችን አስተላልፏል።
በተጫዋቾች ዳንኤል ተሾመ(አዲስ አበባ ከተማ)፣ አብዱልባሲጥ ከማል(ሃዋሳ ከተማ) እና ጀማል ጣሰው(አዳማ ከተማ) በ5 ጨዋታዎች የቢጫ ማስጠንቅቂያ ካርድ የተመለከቱ 1 ጨዋታ እንዲታገዱና በተጨማሪ የገንዘብ ቅጣት ብር 1500 /አንድ ሺ አምስት መቶ/ እንዲከፍሉ ተወስኗል።
በ30ኛ ሳምንት አርብ ሰኔ 24/2014 ዓ.ም በተደረጉ ጨዋታዎች ላይ የተፈጠሩ ክስተቶችን ተከተሎ ለጨዋታ ታዛቢዎች፣ ዳኞችና የቡድን መሪዎች የኢትዮጵያ ፕሪምየር ሊግ ውድድርና ስነስርዓት ኮሚቴ ለማነጋገር ጥሪ አደርጓል።
በዚህም ለሶስት የጨዋታ ታዛቢዎች ሻለቃ በልሁ ሀይለማሪያም፣ ሰላሙ በቀለ እና አበጋዝ ነብየልዑል ሲሆን ከዳኞች ለኢንተርናሽናል ዳኛ ዶ/ር ኃይለየሱስ ባዘዘው፣ ለኢንተርናሽናል ዳኛ አሸብር ሰቦቃ፣ ለፌዴራል ዳኛ ኤፍሬም ደበሌ፣ ለፌዴራል ዳኛ ባህሩ ተካ ለፌዴራል ዳኛዮናስ ካሳሁን እና ለፌዴራል ዳኛ እያሱ ፈንቴ እንዲሁም ከቡድን አባላት ለፋሲል ከነማ ክለብ ዋና አሰልጣኝ ኃይሉ ነጋሽ እና ለቡድን መሪው ሀብታሙ ዘዋለ ፥ ለሃዋሳ ከተማ ክለብ ዋና አሰልጣኝ ዘርዓይ ሙሉ እና የቡድን መሪው ብርሃኑ ጤዳሞ ፣ ለአዲስ አበባ ከተማ ክለብ ዋና አሰልጣኝ ጳውሎስ ጌታቸው እና የቡድን መሪው መሰረት ወ/ማርያም ረቡዕ ሰኔ 29 2014 ዓ.ም በተለያየ ሰዓት በኢትዮጵያ ፕሪምየር ሊግ አክሲዮን ማህበር ጽ/ቤት እንዲገኙ ጥሪውን አስተላልፏል።
©epl
አስተያየት ይስጡ