መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | ጅማ አባጅፋር በውድድር ዓመቱ ከድል ጋር የታረቀበትን ውጤት አስመዝግቧል
ቤትኪንግ የኢትዮጵያ ፕሪምየር ሊግአዲስአበባ ከተማዜናዎችየኢትዮጵያ ፕሪሚየር ሊግየጨዋታ ዘገባጅማ አባጅፋር

የጨዋታ ዘገባ | ጅማ አባጅፋር በውድድር ዓመቱ ከድል ጋር የታረቀበትን ውጤት አስመዝግቧል

አጋራ
አጋራ

ጅማ አባጅፋር በውድድር አመቱ በዘጠኝ ተከታታይ ጨዋታዎች ስምንት ሽንፍት እና አንድ የአቻ ውጤት ካስመዘገበ በኋላ በአስረኛው ሳምንት ጨዋታ አዲስ አበባ ከተማን በማሸነፍ ከድል ጋር ታርቋል ።

ጅማ አባጅፋር በዘጠነኛው ሳምንት ጨዋታ በቅዱስ ጊዮርጊስ ጨዋታ ከተጠቀሙት ቋሚ 11 ዱላ ሙላቱን በማሳረፍ ዳዊት ፍቃዱን ያሰለፉ ሲሆን በአዲስ አበባ ከተማ በኩል ዋኬኔ አዱኛ ፤ ብሩክ ግርማ ፤ ኤልያስ አህመድ ፤ ቻርለስ ሪባኑ እና ያሬድ ሀሰንን በዳንኤል ተሾመ ፤ ሳሙኤል አስፈሪ ሳሙኤል ተስፋዬ ፤ ብዙአየሁ ሰይፉ እና ሙሉቀን አዲሱ ተክተው ወደ ጨዋታው ገብተዋል ።

በጨዋታው የመጀመሪያ ደቂቃዎች ላይ ጅማ አባጅፋሮች በተሻለ የተንቀሳቀሱበት ነበር ። መገር ግን በኳስ ቁጥጥሩ እና ወደ ግብ በመድረስ ብልጫ ቢያሳዩም የግብ ሙከራ ለማድረግ ተቸግረው ነበር ። አዲስ አበባ ከተማዎች ቀስበቀስ ወደ ጨዋታው በመመለስ በፈጣን እንቅስቃሴ የግብ ዕድሎችን ለመፍጠር ጥረት አድርገው ነበር ።

በጨዋታው የመጀመሪያው ኢላማውን የጠበቀ ሙከራ የተደረገው በ11ኛው ደቂቃ ላይ ነበር ። ፍፁም ጥላሁን ከመስመር ከእንዳለ ከበደ የተሻገረለትን ኳስ ወደ ግብ ሞክሮት በግጓግ ጠባቂው አልዓዛር ማርቆስ ተመልሶበታል ። ከሙከራው በኋላ በሁለቱም ክለቦች በኩል በተለይም በመስመር በኩል የማጥቃት እንቅስቃሴዎችን ማድረግ የቻሉበት ነበር ። ነገር ግን ያን ያህል ለአይን የሚስብ የግብ ሙከራ ሳይደረግ ነበር የመጀመሪያው አጋማሽ የተጠናቀቀው ።

ሁለተኛው አጋማሽ ከመጀመሪያው አጋማሽ በተሻለ የማጥቃት ፉክክር የተደረገ ነበር ። በጅማ አባጅፋርም ሆነ በአዲስ አበባ ከተማ በኩል ወደ ተጋጣሚ የግብ ክልል የመድረስ አጋጣሚዎች ቢፈጠሩም ተከላካዮችንም ሆነ ግብ ጠባቂዎችን የፈተኑ የግብ ሙከራዎች ሳይደረጉ ኳሶች ይበላሹባቸው ነበር ።

በአጋማሹ ኢላማውን የጠበቀ የመጀመሪያ ሙከራ የተደረገው ተቀይሮ በገባው በላይ አባይነህ አማካኝነት ሲሆን ተጫዋቹ 61ኛ ደቂቃ ላይ ከሳጥን ውጪ አክርሮ የመታው ኳስ በግብ ጠባቂው ዳንኤል ተሾመ ተመልሷል ። ጨዋታው በቀጣዮቹ ደቂቃዎች በተመጣጣኝ ፉክክር ቢቀጥልም በግብ ሙከራዎች ሊታጀብ አልቻለም ።

በ78ኛው ደቂቃ ላይ ግን አማካዩ ዳዊት እስጢፋኖስ ከቅጣት ምት ግሩም ግብ በማስቆጠር ጅማ አባጅፋርን መሪ አደረገ ። ከግቡ በኋላ ቀድሞ ከነበረው ግለት ጨምሮ የቀጠለው ጨዋታ በሁለቱም በኩም ጠንከር ያሉ የማጥቀታ ሂደቶች እና የግብ ዕድሎች ቢፈጠሩም ሌላ ኳስን ከመረብ ያገናኘ ተጫዋች አልነበረም ። ጨዋታውም በጅማ አባጅፋር አሸናፊነት ተጠናቀቀ ።

በውድድር አመቱ የመጀመሪያ ድላቸውን ያሳኩት ጅማ አባጅፋሮች ነጥባቸውን 4 ማድረስ ቢችሉም በደረጃ ሰንጠረዡ ግን ለውጥ ማድረግ አልቻሉም በተመሳሳይ ተሸናፊው አዲስ አበባ ከተማም የደረጀሠ ለውጥ ሳያደርግ 12ኛ ደረጃ ላይ ተቀምጧል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...