በጉጉት የሚጠበቀዉ 33ኛዉ የአፍሪካ ዋንጫ ሊጀምር የአንድ ቀን እድሜ ብቻ የቀረዉ ሲሆን በዚህም በአዘጋጇ ሀገር ካሜሩን ምድብ የሚገኙት ዋልያዎቹ ልምምዳቸዉን አጠናክረው ቀጥለዉ ለነገዉ ጨዋታ በዝግጅት ላይ ይገኛሉ።
ከአፍሪካ ዋንጫው መጀመር አስቀድሞ የተለያዩ የሚዲያ አካላት በአፍሪካ ዋንጫዉ ላይ ተሳታፊ ስስሆኑት ሀገራት እንዲሁም ዉድድሩ ላይ ይደምቃሉ ተብለዉ የሚጠበቁትን ተጫዋቾች በመጠቆም ላይ የሚገኙ ሲሆን ፤ በዚህም ዘ አናሊስት የተባለው ድህረገጽ ስለ ዋልያዎቹ የቡድንን ስብስብ ፣ ስለ አሰልጣኝ ዉበቱ አባተ ፣ ስለ አጥቂዎቹ አቡበከር ናስር እና ጌታነህ ከበደ ተከታዩን ሀሳብ አስነብቧል።
ዘገባው ካነሳቸዉ በርካታ ጉዳዮች መካከልም:-
የኢትዮጵያ ብሔራዊ ቡድን ዋና አሰልጣኝ ዉበቱ አባተ በአብዛሀኛዉ ተጫዋቾቹን የመረጠው ከሀገር ዉስጥ ሊግ እንደሆነ እንዲሁም በማጣሪያው ዉድድር ላይ ጥሩ ተፎካካሪ የነበረ ቢሆንም ነገር ግን ቡድኑ ከሀገር ወጥቶ ሲጫዎት ደካማ መሆኑን ጠቁሟል። ለዚህም አብዛኞቹ ብሔራዊ ቡድኖች ከሀገራቸው ወጥተዉ ሲጫወቱ ይበልጥ መከላከል ላይ ሲያተኩሩ በአንፃሩ የኢትዮጵያ ብሔራዊ ቡድን በድፍረት ኳስን በመቆጣጠር አጥቅቶ ለመጫዎት እንደሚሞክር እና ይሄም ተወዳጅ እንደሆነ አስነብቧል።
በዘገባውም ኬፕ ቨርዲን አሸንፎ ከካሜሩን እና ቡርኪናፋሶ ጋር ነጥብ መጋራት የአሰልጣኝ ዉበቱ አባተ ዋነኛ ዕቅድ ሊሆን እንደሚችል የጠቆመ ሲሆን በተጫዋቾች በኩል ደግሞ ወጣቱ አጥቂ አቡበከር ናስር እጅግ ፈጣን እና ጥሩ የቴክኒክ ችሎታ ያለዉ እንደሆነ እና ከፊት መስመር አጥቂዉ ጌታነህ ከበደ ጋር ጥሩ ጥምረት እንደሚኖራቸዉ እንደሚጠበቅ ገልጿል። ከዘህ ጋር ተያይዞም ወጣቱ አጥቂ አቡበከር ናስር በቅርቡ ከሀገር ወጥቶ እንደሚጫት እንዲሁም ለዚህ አቅሙ እንዳለዉ አስነብቧል።
አስተያየት ይስጡ