ለ2022 የአፍሪካ ዋንጫ ለማለፍ የመጀመሪያ የማጣሪያ ጨዋታቸዉን ለማድረግ ሰኞ ዕለት ወደ ዩጋንዳ ያመሩት ሉሲዎቹ ዛሬ ከሰዓት 10:00 ላይ ጨዋታቸዉን በሴንት ሜሪ ስታዲየም የሚያደርጉ ይሆናል።
ማረፊያቸውን በሲልቨር ስፕሪንግ ሆቴል ያደረጉት ሉሲዎቹ ከዛሬዉ ጨዋታ አስቀድሞ ትላንት ረፋድ ላይ የኮቪድ ምርመራ የተደረገላቸው ሲሆን ፤ የመጨረሻ ልምምዳቸውንም ትላንት ከቀኑ በ10 ሰዓት ላይ የከወኑት የኢትዮጵያ ሴቶች ብሔራዊ ቡድን በዛሬዉ ጨዋታም የተለመደዉን አረንጓዴ ማሊያ ቢጫ ቁምጣ እና ቀይ ካሶተኒ አድርገዉ ወደ ሜዳ የሚገቡ ይሆናል።
በአሰልጣኝ ብርሃኑ ግዛው የሚመራዉ የሉሲዎቹ ስብስብም ሁሉም ተጫዋቾች በመልካም ጤንነት ላይ እንደሚገኙ ተገልጿል።
አስተያየት ይስጡ