መነሻ ገጽ ሲዳማ ቡና የጨዋታ ዘገባ | የቡና ደርቢ ያለምንም ግብ ተጠናቋል
ሲዳማ ቡናቤትኪንግ የኢትዮጵያ ፕሪምየር ሊግኢትዮጵያ ቡናዜናዎችየጨዋታ ዘገባ

የጨዋታ ዘገባ | የቡና ደርቢ ያለምንም ግብ ተጠናቋል

አጋራ
አጋራ

በሊጉ የሶስተኛ ቀን ሁለተኛ ጨዋታ ምንም ግብ ሳያስመለክተን ተጠናቋል ።

ምሽት 12:00 ላይ በጀመረው ጨዋታ ሁለቱም ክለቦች በደጋፊዎቻቸው ታጅበው ጨዋታቸውን ማድረግ የቻሉ ሲሆን በጨዋታው ኢትዮጵያ ቡናዎች ኳሱን ከኋላ መስርተው ለመውጣት በተደጋጋሚ ሲያደርጉት የነበረው ሙከራ በሲዳማ ቡና ተጨዋቾች ሲመክን ነበር ።

አልፎ አልፎም በረጅም ከፊት መስመር የሚጣሉ ኳሶች ለሲዳማ ቡና ተከላካዮች ሲሳይ ሆነዋል ። በሲዳማ ቡና በኩል ተጋጣሚ ኳስን መስርቶ ለመውጣት ሲሞክር ኳሱን በመንጠቅ ከፊት መስመር ባሉ አጥቂዎቻቸው አማካይነት ጫና በማድረግ የግብ ዕድሎችን መፍጠር የቻሉ ሲሆን በፍሬው ሰለሞን በብሩክ ሙሉጌታ እና በሰለሞን ሀብቴ የተደረጉት ሙከራዎች ተጠቃሽ ናቸው ።

በኢትዮጵያ ቡና በተለይም በቆሙ ኳሶች ላይ የነበረባቸው ድክመት ግብ እንዲቆጠርባቸው ሊያደርግ ይችል ነበር ። በሁለተኛው አጋማሽ ሲዳማ ቡናዎች በመጀመሪያ አጋማሽ የነበራቸውን ጫና በማስቀጠል በተቃራኒ ቡድን ላይ ጫና መፍጠር ቢችሉም ቴዎድሮስ ታፈሰ 54ኛ ደቂቃ ላይ ከርቀት አክርሮ ከመታው ኳስ ውጪ ይህ ነው ሊባል የሚችል የግብ ሙከራ ማድረግ አልቻሉም ።

 

ኢትዮጵያ ቡናዎች ከ70 ደቂቃ በኋላ ተረጋግተው ወደ ፊት በመሄድ በተጋጣሚያቸው ላይ ከቀደሙት ደቂቃዎች በተሻለ ጫና የፈጠሩ ሲሆን በሁለተኛው አጋማሽ መጀመሪያ ላይ ዊልያም ሰለሞንን ቀይሮ የገባው ሮቤል ተክለሚካኤል በ72 እና 81ኛ ደቂቃዎች ላይ ከርቀት ወደ ግብ የመታቸው እና በግብ ጠባቂው ተክለማርያም ሻንቆ የተመለሱት ኳሶች አስደናቂ ነበሩ ።

በጨዋታው የመጨረሻ ደቂቃዎች ላይ ወደ ኋላ ለማፈግፈግ የተገደዱት ሲዳማ ቡናዎች በተወሰኑ አጋጣሚዎች በመልሶ ማጥቃት ለመሄድ ቢሞክሩም ግብ ማስቆጠር ግን አልቻሉም ። በስተመጨረሻም የሁለቱ ቡናዎች ጨዋታ ያለ ምንም ግብ 0 ለ 0 በሆነ ውጤት ተጠናቋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...