የኢትዮጵያ ፕሪሚየር ሊግ የሁለተኛ ዙር የአንደኛ ሳምንት ጨዋታዎች በአንድ ሣምንት ሲራዘሙ። የጥሎ ማለፍ ውድድር የዕጣ ማውጣት ሥነሥርዓት ተከናውኗል!

የኢትዮጵያ ፕሪሚየር ሊግ የሁለተኛ ዙር ጨዋታ መርኃ ግብር በአንድ ሳምንት እንዲራዘም ተወሰነ።የፕሮግራሙ መራዘም የተገለጸው ዛሬ የሊጉ ክለቦች የአንደኛ ዙር የውድድር አፈጻጸም ሲገመገም ነው።
ለመርሀ- ግብሩ መራዘም እንደ ምክንያትነት የቀረበው ክለቦች ለእረፍትና ለሁለተኛው ዙር የውድድር ዝግጅት በቂ ጊዜ አላገኘንም በማለታቸው መሆኑ ተገልጿል።

ውድድሩ መጋቢት 8 እና 9 እንደሚጀመር ቀደም ብሎ ቢገለጽም በተደረገው የቀን ለውጥ ጨዋታዎቹ መጋቢት 15 እና 16 ቀን 2010 ዓ.ም እንዲካሄዱ ነው ፌዴሬሽኑ የወሰነው።

በመጨረሻም የእጣ ማውጣት ስነ ስረዓት ተከናውኗል። 

ሀዋሳ ከተማ ከ ሲዳማ ቡና

ፋሲል ከተማ ከአዳማ ከተማ

ኢትዮጵያ ቡና ከ ወልዲያ

ኢትዮ-ኤሌክትሪክ ከ መቐለ ከተማ

መከላከያ ከ ድሬደዋ ከተማ

ወልዋሎ አዲግራት  ከ አርባምንጭ ከተማ

ቅዱስ ጊዮርጊስ ከ ወላይታ ድቻ

*ስማቸው በቅድሚያ የተፃፉት ክለቦች በሜዳቸው ይጫወታሉ

ግምገማውን በተመለከተ ከሰዓታት በኃላ በድህረ-ገፃችን መረጃውን እምናቀርብ ይሆናል።