
የወላይታ ዱቻው አሰልጣኝ ዘነበ ፍሰሀ ከዚማማቶ ድላቸው በኀላ ከሀትሪክ ስፖርት ድህረ ገፅ ጋር አጭር ቆይታ!
ሀትሪክ፡- ጨዋታው እንዴት ነበር?
ዘነበ፡- ምንም እንኳን ከሜዳችን ውጪ ነጥብ ተጋርተን መመለሳችን መልካምቢሆንም የመልሱ ጨዋታም ቀላል እንደማይሆን እናውቀው ነበር፡፡
ያጋጠመንም ይሄው ነው፡፡ በሁለታችንም በኩል ከባድ ፉክክር አድርገናል፡፡ በመጨረሻም በውጤቱ ተደስተናል፡፡
ሀትሪክ፡- በሁለተኛው አጋማሽ ብልጫ ተወስዶባችኀል። ምክንያቱ ምንድነው?
ዘነበ፡- በዚህ ጉዳይ ከልጆቼ ጋር በእረፍት ሰአት ላይ ተነጋግረን ነበር፡፡ ነገር ግን ሜዳ ሲገቡ እኔ ካልኳቸው ውጪ መከላከልን ምርጫቸው አደረጉ። ይሄ ደግሞ የመሀል ክፍላችን እንዲከፈት አድርጎታል፡፡ ይሄንን ያደረጉት ውጤቱን አስጠብቀው ለመውጣት በመጓጓታቸው መሆኑን ነግረውኛል። የመጨረሻዎቹ 20 ደቂቃዎች ላይ ደግሞ የጉልበት መዳከም ተፈጥሮብናል፤ ይህን መካድ የለብንም፤ ብዙ መስራት አለብን፡፡

ሀትሪክ፦ መከላከልን ብቻ መሰረት ያደረገ አጨዋወት እስከመቼ ነው የምትዘልቁበት?
ዘነበ፦ ይሄ ክለቡ ውስጥ የቆየ ባህል ነው፤ ማስተካከል አለብን፤ አሁንም ቢሆን ለውጦች አሉ፤ ግን የበለጠ መስራት አለብን፤ በአጭር ጊዜ ለውጥ ታያላችሁ፡፡
ሀትሪክ-ከሳምንታት በኋላ በሚከፈተው የዝውውር መስኮት ተጫዋቾች ለማስፈረም አቅዳችኋል?
ዘነበ:-በዝውውር መስኮቱ ተጫዋቾችን እናስፈርማለን በተለይም ክፍተት ያሉብን ቦታዎችን ለመድፈን 4ያክል ተጫዋቾችን እናስፈርማለን።
ሀትሪክ፦ ስለ ቀጣይ ተጋጣሚያችሁ ዛማሌክ ምን ትላለህ?
ዘነበ፦ አዎ ተጋጣሚያችን በአፍሪካ የእግር ኳስ ታሪክ ትልቅ ስምና ዝና ያለው መሆኑን እናውቃለን፡፡ ይህ ማለት ግን ወቅታዊ አቋማቸውን ይገልፀዋል ማለት አይደለም፡፡ ድል አድርገን ታሪክ ለመስራት እንጥራለን፤ ከጨዋታው በፊት አንሸነፍም፡፡
አስተያየት ይስጡ