መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | ድሬዳዋ ከተማ ወልቂጤ ከተማን በማሸነፍ ከወራጅ ቀጠናዉ ከፍ ያለበትን ዉጤት አስመዝግቧል።
ቤትኪንግ የኢትዮጵያ ፕሪምየር ሊግወልቂጤ ከተማዜናዎችየጨዋታ ዘገባድሬዳዋ ከተማ

የጨዋታ ዘገባ | ድሬዳዋ ከተማ ወልቂጤ ከተማን በማሸነፍ ከወራጅ ቀጠናዉ ከፍ ያለበትን ዉጤት አስመዝግቧል።

አጋራ
አጋራ

ጨዋታዉ በሁለቱም ቡድን በኩል ተመጣጣኝ በሆነ በፈጣን እንቅስቃሴ የጀመረ ሲሆን ገና ከጅምሩ ለጎል የሚሆኑ ኳሶችን ሲሞክሩ ነበር።

ለአብነትም በወልቂጤ በኩል ጌታነህ ከበደ በቅጣት ምት የመታት ኳስ በግብ ጠባቂዉ ዳንኤል ተሾመ የተመለሰበት አጋጣሚ እና በድሬዎች በኩል በቢንያም ጌታቸዉ የተገኘ ለጎል የሚሆን ኳስ በግብ ጠባቂዉ ጀማል ጣሰዉ የተመለሰበት ተጠቃሽ ነዉ።

ጨዋታዉ ከእዛ በኋላ በሁለቱም ቡድኖች በኩል ቀዝቃዛ እንቅስቃሴ ሲስተዋልበት የነበረ ሲሆን በአንፃራዊነት የድሬዎች እንቅስቃሴ የተሻለ ነበር።

በ38ኛዉ ደቂቃ እያሱ ለገሰ ለድሬዳዋዎች በግንባሩ ገጭቶ ባስቆጠራት ጎል ድሬዎች 1-0 በሆነ ዉጤት እየመሩ ወደ እረፍት አምርተዋል።

ከእረፍት መልስ ወልቂጤዎች ቅያሪ በማድረግ የኋላሸት ሰለሞንን ይዘዉ በመግባት ተጭነዉ ለመጫወት ቢሞክሩም በ53ኛዉ ደቂቃ ላይ የድሬዎች አማካይ ሱራፌል ጌታቸዉ ጎል አስቆጥሮባቸዉ ጨዋታው ወደ 2-0 አመራ።

ጨዋታዉ በ2-0 ዉጤት እስከ ጨዋታዉ መገባደጃ ድረስ ቢያመራም በ80ኛ ደቂቃ ላይ በወልቂጤዉ አጥቂ ጌታነህ ከበደ ላይ ጥፋት በመሰራቱ የተሰጠዉን የፍፁም ቅጣት ምት ኳስ እራሱ ጌታነህ ከበደ በመምታት ወደ ጎልነት ቀይሮ ጨዋታዉ 2-1 በሆነ ዉጤት ቀጥሏል።

ከጎሏ መቆጠር በኋላ በሁለቱም ቡድን በኩል የጎል ሙከራዎች ሳይስተዋሉ ጨዋታዉ በድሬዳዋ አሸናፊነት 2-1 በሆነ ዉጤት ተጠናቋል።

በዚህም መሰረት ድሬዳዋ ከተማ ይበልጥ ከወራጅ ቀጠና ከፍ በማለት ነጥቡን ወደ 33 በማድረስ 9ኛ ደረጃ ላይ ተቀምጧል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...