መነሻ ገጽ ቤትኪንግ የኢትዮጵያ ፕሪምየር ሊግ ይግባኝ ሰሚ ኮሚቴ የፋሲል ከነማን ይግባኝ ውድቅ አደረገ
ቤትኪንግ የኢትዮጵያ ፕሪምየር ሊግዜናዎችየኢትዮጵያ ፕሪሚየር ሊግፋሲል ከነማ

ይግባኝ ሰሚ ኮሚቴ የፋሲል ከነማን ይግባኝ ውድቅ አደረገ

አጋራ
አጋራ

የፋሲል ከነማ እግር ኳስ ክለብ በቀድሞ አሰልጣኙ ሃይሉ ነጋሽ/ቲጋና/ ክስ ዙሪያ በዲሲፕሊን ኮሚቴ የተሰጠውን ብይን በመቃወም ለይግባኝ ሰሚ ኮሚቴ ያቀረበው ይግባኝ ውድቅ ተደረገ።

የዲሲፕሊን ኮሚቴ የሁለቱን ወገኖች ክርክር ከተመለከተ በኋላ በሰጠው ውሳኔ “ክለቡ ቀሪ የአሰልጣኙን ደመወዝ እንዲከፍል አሰልጣኙን ወደስራ ገበታቸው እንዲመልስ ይህ የማይሆን ከሆነ እስከ ውላቸው የመጨረሻ ቀን ድረስ ያለውን ደመወዛቸውን እንዲከፍል ውሳኔውንም በ7 ቀን ውስጥ እንዲፈፅም” ሲል የሰጠውን ትዕዛዝ በመቃወም ፋሲል ከነማ ይግባኝ ቢልም ይግባኝ ሰሚ ኮሚቴ ግን የዲሲፕሊን ኮሚቴን ውሳኔ አጽንቷል።

የይግባኝ ሰሚ ኮሚቴ ከክለቡ የቀረበውን ቅሬታና የዲሲፕሊን ኮሚቴ ውሳኔን ከመረመረ በኋላ በ1/10/2015 ይፋ በተደረገው ውሳኔ ክለቡም አሰልጣኙን ሲያሰናብት በዲሲፕሊን መመሪያው አንቀጽ 80/26 በቂ ጊዜ ስለመስጠቱ ስንብቱም በውል ስምምነታቸው መሰረት ስለመካሄዱ ማጣራቱን ገልጿል።

ይግባኝ ሰሚ ኮሚቴው እንዳስረዳው ተሻሽሎ በቀረበው የዲሲፕሊን መመሪያ አንቀጽ 90 ተራ ቁጥር 2 መሰረት የዲሲፕሊን ኮሚቴ ውሳኔ የፍሬ ነገርም ሆነ የህግ ስህተት የሌለበት ነው በማለት ” የዲሲፕሊን ኮሚቴ በፋሲል ከነማ ላይ የሰጠው ውሳኔ እንዲጸናና ክለቡም ለይግባኙ ያስያዘው ገንዘብ ለፌዴሬሽኑ ገቢ እንዲደረግ ተወስኗል” ሲል ብይኑን ሰጥቷል።

በሁለቱ የፍትህ አካላት ውሳኔ መሰረት ክለቡ የአሰልጣኙን ቀሪ የ6 ወር ደመወዝ የመክፈል ግዴታ ውስጥ የገባ ሲሆን በጸናው ውሳኔ መሰረት ተግባራዊ ካላደረገ ከክረምቱ የዝውውር መስኮት የታገደና ከፌዴሬሽኑ
ጽ/ቤት ምንም አይነት ግልጋሎት የማያገኝ መሆኑ ታውቋል። የፋሲል ከነማ አመራሮች በውሳኔው ደሰተኛ ካልሆኑ ወደ ካስ “የዓለም አቀፉ የእግርኳስ የግልግል ፍርድ ቤት” ጉዳዩን የመውሰድ የመጨረሻ እድል ይኖራቸዋል ተብሎ ይጠበቃል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...