በአቤኔዘር አበበ
በ2019 ዓ.ም. የሲቢኢ ኢትዮጵያ ፕሪሚየር ሊግ ስድስተኛ ሳምንት ሁለተኛ ቀን ጨዋታዎች ሸገር ከተማ ሀዋሳ ከተማን እንዲሁም ኢትዮጵያ ቡና ወላይታ ድቻን በተመሳሳይ 2-1 አሸንፈዋል።

ሸገር ከተማ 2–1 ሀዋሳ ከተማ
በመጀመሪያ አጋማሽ በዙም ሳብ ያልነበረ ጨዋታ ነበር። የሸገር ከተማው ቡልቻ ሹራ ያደረገው ሙከራ የግቡን አግዳሚ ብረት መትቶ የወጣችው ኳስ በአጋማሹ ተጠቃሽ ዕድል ነበር። በዚህም የመጀመሪያው 45 ደቂቃ ያለ ግብ ተጠናቋል።
ከዕረፍት መልስ ሸገር ከተማ የበለጠ ጫና በመፍጠር በ56ኛው ደቂቃ ካሌብ በየነ ያቀበላትን ኳስ ኦዳ መሀሙድ በግንባሩ በመግጨት የመጀመሪያውን ግብ አስቆጠረ። ሸገር ከተማ ጫናዋን በመቀጠል ቢንያም ፍቅሩ በሚያምር የአጨራረስ ብቃት ሁለተኛውን ግብ አስቆጥሮ መሪነቷን አስፋፋ።ሀዋሳ ከተማ ጌታነህ ከበደ አንድ ግብ በማስቆጠር ወደ ጨዋታው ለመመለስ ብትጥርም ከሽንፈት መዳን አልቻለችም። በመጨረሻም ሸገር ከተማ 2–1 በሆነ ውጤት ድል አድርጋለች።
ኢትዮጵያ ቡና 2–1 ወላይታ ድቻ
በሌላው የዕለቱ ጨዋታ ኢትዮጵያ ቡና ከወላይታ ድቻ ጋር ያደረገው ፍልሚያ ኢትዮጵያ ቡና በመጀመሪያዎቹ ደቂቃ የታሻለ የተቀሳቀሱ ስሆን። ወላይታ ድቻ በበኩላቸው ከደቂቃ ወደ ደቂቃ ወደ ጨዋታ ተመልሰዋል የተሻለ እንቅስቃሴ ማርግ ችለዋል።የመጀመሪያ የግብ ውጤት ሳይመዘገብ በ0–0 ተጠናቋል። ከዕረፍት መልስ ጨዋታው የበለጠ ፈጣን ሲሆን በ58ኛው ደቂቃ አብዱልከሪም ወርቁ ያመቻቸውን ኳስ ታይባ ምቦኑዩምዋሚ በመጠቀም ኢትዮጵያ ቡናን መሪ አደረገ። በ66ኛው ደቂቃ ታይባ ወደ ግብ ያሻማትን ኳስ የወላይታ ድቻው ተከላካይ ያኦቪ ጆሴፍ በራሱ ግብ ላይ በማስቆጠር ቡና ሁለተኛውን ግብ አገኘች።ወላይታ ድቻ በ68ኛው ደቂቃ ከማዕዘን ምት የተገኘውን ኳስ ኪሩቤል አበበ በግንባሩ በመግጨት አንድ ግብ ቢያስቆጥርም የእኩልነት ግብ ማስቆጠር አልቻለችም። በዚህም ኢትዮጵያ ቡና 2–1 በሆነ ውጤት ድል በማድረግ ሶስቱን ነጥቦች አሳክታለች።
አስተያየት ይስጡ