በካናዳ የኢትዮጵያ የባህል እና ስፖርት በሚል ስያሜ ሊግ ተቋቋመ።

የኢትዮጵያን ባህል ለአለም ለማስተዋወቅ ከፍ ያለ አበርክቶ ያለው የኢትዮጵያውያን የባህል እና ስፖርት ሊግ በሚል ስያሜ በካናዳ ቶርንቶ በርካቶች በተገኙበት በይፋ ተመስርቷል። በካናዳ የሚኖሩ ኢትዮጵያን በባህል እና ስፖርት በጋራ አንድ ሆነው እርስ በእርስ እንደሚገናኙበት የሚጠበቀው ይህ የሊግ ምስረታ ከፍተኛ ልምድ እና ለሀገራቸው ጥልቅ ፍቅር ባላቸው ግለሰቦች የተመሠረተ እንዲሁም አንድነትን በይበልጥ ይፈጥራል ተብሎ እንደሚጠበቅም በምስረታው ዕለት ተገልጿል።


ወጣቱ ትውልድ የኢትዮጵያን የበለፀገ ባህል ፣ ቋንቋ እና ታሪክ ሳይዘነጋ ከስፖርታዊ እንቅስቃሴዎች ጎን ለጎን እንዲማር ምቹ ሁኔታን ከመፍጠር ባሻገር በየዓመቱ የሚካሄዱ ታላላቅ የስፖርት ውድድሮችን በማዘጋጀት ማህበረሰቡን ማሳተፍ እና ኢትዮጵያዊ ሀሳቦች እንዲያድጉ አባል ክለቦችን በመመዝገብ በስነ-ምግባር የታነ እና በቴክኒክ የበለፀገ ጠንካራ የሊግ ውድድር መዘርጋት ዋነኛ አላማው እንደሆነ ተጠቁሟል።

የኢትዮጵያዊያን የባህል እና ስፖርት ሊግ ፕሬዝዳንት አቶ ማይክ ማስረሻ ሊጉ ከስፖርቱ በበለጠ ለማህበረሰቡ የጀርባ አጥንት እንዲሆን መታቀዱን ገልፀው ልጆች እየተጫወቱ ባህላቸውን እንዲያውቁ የማድረግ እና ትልልቆችም ደግሞ በመገናኘት ልምድ የሚለዋወጡበት መድረክ እንዲሆን እደሚሰራ ገልፀዋል።

አስተያየት ይስጡ