መነሻ ገጽ ቤትኪንግ የኢትዮጵያ ፕሪምየር ሊግ የጨዋታ ዘገባ | ወልቂጤ ከተማ ከ ከአርባምንጭ ከተማ አቻ ተለያይተዋል
ቤትኪንግ የኢትዮጵያ ፕሪምየር ሊግአርባምንጭ ከተማወልቂጤ ከተማዜናዎችየጨዋታ ዘገባ

የጨዋታ ዘገባ | ወልቂጤ ከተማ ከ ከአርባምንጭ ከተማ አቻ ተለያይተዋል

አጋራ
አጋራ

ወልቂጤ ከተማ ከአርባምንጭ ከተማ ያደረጉት ጨዋታ ልክ እንደ ዕለቱ የመጀመሪያ ጨዋታ ግብ ሳያስተናግድ ተጠናቋል ።

ከአምስተኛ ሳምንት ጨዋታቸውን ሁለቱም ክለቦች በርካታ ቅያሪዎችን ያደረጉ ሲሆን ወልቂጤ ከተማ አበባው ቡጣቆ አላዛር ዘውዴ ፍፁም ግርማ እና ዮናታን ፍስሀን እንዲሁም በአርባምንጭ ከተማ በኩል ይስሀቅ ተገኝ ፤ ማርቲን ኦኮሮ ፤ ሙና በቀለ እና ሱራፌል ዳንኤል ወደ ቋሚ አሰላለፍ ገብተው ጨዋታውን ጀምረዋል ።

በጨዋታው በሁለቱም በኩል ወደ ፊቴ ሄዶ አጥቅቶ የመጫወት ፍላጎት በሜዳ ላይ የታየበት ነበር ። በመጀመሪያው አጋማሽ በተለይም አርባ ምንጭ ከተማዎች በተሻለ ወደ ፊት ሄደው ጫና መፍጠር የቻሉበት ጨዋታ አስመልክተውናል ።

አርባ ምንጭ ከተማ የመጀመሪያውን ሙከራ ለማድረግ የወሰደባቸው 2 ደቂቃ ብቻ ነበር ሀቢብ ከቅጣት ምት በግሩም ሁኔታ ወደ ግብ የላከውን ኳስ ግብ ጠባቂው ሲልቭያን ግቦሆ ለጥቂት ግብ ከመሆን አድኖታል ።

በወልቂጤ ከተማዎች በኩል በ18ኛ ደቂቃ ላይ በጌታነህ ከበደ አማካኝነት ከሳጥን ውጪ ወደ ግብ የተሞከረው ኳስ በግብ ጠባቂው ግብ ተይዟል ። ወልቂጤ ከተማዎች በሂደት በማጥቃቱ የበላይነትን ለመውሰድ ቢሞክሩም የግብ ሙከራዎችን ለማድረግ ግን ቀላል አልሆነላቸውም ። በአርባምንጭ ከተማ በኩል በፈጣን እንቅስቃሴ ወደ ግብ ክልል ይዘዋቸው የሚሄዷቸው ኳሶች እንደ ወልቂጤ ሁሉ በግብ ሙከራ የታጀቡ አልነበሩም ።

36ኛ ደቂቃ ላይ አበባው ቡጣቆ ከቀኝ መስመር አካባቢ ያገኘውን የቅጣት ምት ቀጥታ ወደ ግብ ቢሞክረውም ግብ ጠባቂው ለጥቂት አውጥቶታል ። የመጀመሪያው አጋማሽም ያለምንም ግብ ተጠናቀቀ ።

የሁለተኛው አጋማሽ በተመሳሳይ በጥሩ ፉክክር የተጀመረ ሲሆን 49ኛ ደቂቃ ላይ ተቀይሮ የገባው ፍቃዱ መኮንን ከበላይ ገዛኸኝ የደረሰውን ኳስ በሳጥን ውስጥ ገብቶ አክርሮ ቢመታውም የግቡ ቋሚ መልሶበታል ። በተወሰነ መልኩ ቀድሞ ከነበረው ቀዝቀዝ ብሎ የቀጠለው ጨዋታ 65ኛ ደቂቃ ላይ አወዛጋቢ ክስተትን አስተናግዷል ። እንዳልካቸው መስፍን በሳጥን ውስጥ ሆኖ በአበባው ቡጣቆ ጥፋት ተሰርቶበታል በሚል የአርባ ምንጭ ከተማ ተጫዋቾች ቅሬታቸውን ቢያቀርቡም የዕለቱ የመሀል ዳኛ በዝምታ አልፈውታል ። በቀሩት የጨዋታው ደቂቃዎች እንደአጀማመሩ መቀጠል ያልቻለው ጨዋታ በመጨረሻዎቹ ደቂቃዎች ላይ በሁለቱም በኩል በተሻለ ለመንቀሳቀስ ቢሞክሩም ጨዋታው ግብ ሳይቆጠርበት ተፈፅሟል ።

ውጤቱን ተከትሎም በእኩል 8 ነጥብ ላይ የነበሩት ሁለቱ ክለቦች ነጥባቸውን ዘጠኝ ማድረስ ችለዋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...