መነሻ ገጽ ዜናዎች ለቅዳሜ የተጠራው የአ/አ አትሌቲክስ ፌዴሬሽን ጠ/ጉባኤ እያወዛገበ ነው ….
ዜናዎችየኢትዮጵያ አትሌቲክስ ፌዴሬሽን

ለቅዳሜ የተጠራው የአ/አ አትሌቲክስ ፌዴሬሽን ጠ/ጉባኤ እያወዛገበ ነው ….

አጋራ
አጋራ

👉… ጉባኤውን ፕሬዝዳንቱ የማያውቁት በጽ/ቤት ሃላፊዋ የተጠራ መሆኑ ቅሬታ ፈጥሯል…

👉…የወጣቶችና ስፖርት ጣልቃ ገብነት ተንጸባርቆበታል እየተባለ ነው…..

የአዲስ አበባ ወጣቶችና ስፖርት ቢሮ በከተማው የአትሌቲክስ ፌዴሬሽን ላይ ያለ አግባብ ጣልቃ መግባቱ ቁጣ ቀስቅሷል።

ቢሮው በፌዴሬሽኖች የውስጥ አሰራር ጣልቃ በመግባት የሚወስናቸው የማንአለብኝነት ውሳኔዎች ቅሬታ እየፈጠረ ሲሆን ከሰሞኑ የአትሌቲክስ ፌዴሬሽኑ ፕሬዝዳንት አቶ ቢኒያም ምሩጽ እውቅና ውጪ የፌዴሬሽኑ ጽ/ቤት ሃላፊ ወ/ሮ እታፈራሁ ገብሬና አራት የፌዴሬሽኑ አመራሮች ለህዳር 22/2016 የጠሩትን ጠቅላላ ጉባኤ መቀበሉ አስገራሚ ተብሏል።

በትውልደ ኢትዮጵያዊ ስም የካናዳ ዜግነት ያላቸውን ፕሬዝዳንቱን አቶ ቢኒያምን ከጨዋታ ውጪ ለማድረግ የከተማው የስፖርት ም/ቤት ትውልደ ኢትዮጵያዊያኑ ፕሬዝዳንት እንዳይሆኑ ተወስኗል በሚል የምክር ቤቱ ሰብሳቢ የሆኑት ክብርት ከንቲባ አዳነች አበቤ ፊርማ ያላረፈበትን ህግ በመጥቀስ የቢሮው ም/ል ሃላፊ አቶ ዳዊት ትርፉ እየሰጡት ያለው ተገቢ ያልሆነ አመራር ቅሬታ ፈጥሯል።

የቢሮው ሃላፊ አቶ በላይ ደጀን ቢሮው ጣልቃ ገብቷል ይሄን ማስተካከል አለብን በማለት መጀመሪያ ጥቅምት ተጠርቶ የነበረው ጠቅላላ ጉባኤ እንዲራዘም ቢያደርጉም ምንም አይነት የማስተካከያ ርምጃ መውሰድ ሳይችሉ በጽ/ቤት ሃላፊዋ በኩል ጉባኤው ሲጠራ ዝምታን መምረጣቸው መፍቀዳቸውን ያሳያል በሚል እየተተቹ ነው።

የጽ/ቤት ሃላፊዋ ወ/ሮ እታፈራሁ በፌዴሬሽኑ ፕሬዝዳንትና አመራሮች ፍቃድ ለ19ኛው የሀንጋሪ ቡዳፔሽት የአለም አትሌቲክስ ሻምፒዮና እንዲመለከቱ ወጪያቸው ተችሎ እንዲጓዙ የተደረጉ ከፌዴሬሽኑ ሊነሱ ሲሉ በአቶ ቢኒያም ብርታት የቀሩ ቢሆንም አሁን ግን ከፕሬዝዳንቱ ጀርባ የቢሮውን ሃላፊዎች አላማ የሚያስፈጽሙ ሆነዋል ተብሏል። የጽ/ቤት ሃላፊዋ ያለስልጣናቸው ያለፕሬዝዳንቱ ፍቃድ ካፈነገጡ አመራሮች ጋር በጋራ በመሆን ጠቅላላ ጉባኤ መጥራታቸው የሚያስጠይቃቸው እንደሆነ ከቢሮውና ፌዴሬሽኑ የቅርብ ምንጮች የተገኘ መረጃ ያስረዳል።

እንደ ቢሮው ሃላፊነት የተንጋደደውን አካሄድ ማስተካከል የከተማ አስተዳደሩን ስም ከመጠበቅና ህግና ደንቦችን ከማስከበር ይልቅ በም/ል የቢሮው ሃላፊ ጥላ ስር የሆኑት ዋና ሃላፊው ጠቅላላ ጉባኤው በህገወጥ መንገድ ሲጠራ ዝምታን መምረጣቸው ጥርስ የሌላቸው አንበሳ ሆኑ እንዴ የሚያስብል ጥያቄ አስነስቶባቸዋል።

በትውልደ ኢትዮጵያዊ ስም በቢሮው ሃላፊዎች የተገፉት አቶ ቢኒያም  የስመጥሩው የአትሌቲክስ ሰው ማርሽ ቀያሪው ምሩጽ ይፍጠር ልጅ ሲሆኑ ፌዴሬሽናቸው በወጣቶችና ስፖርት ቢሮ ስር ካሉ 36 ፌዴሬሽኖች መሃል ባለፉት 3 ተከታታይ አመታት አንደኛ ሆኖ መመረጡ ታውቋል። አቶ ቢኒያም የቢሮውን ሃላፊዎች ጣልቃ ገቢ እጅ ከፌዴሬሽኑ እንዲወጣና ህግ እንዲከበር ደንብ እንዲተገበር ማድረጋቸው በቢሮው ሃላፊዎች ጥርስ እንዲነከስባቸው ሳያደርግ እንዳልቀረ የሚያውቋቸው ይናገራሉ።

ባለፉት አራት አመታት ፌዴሬሽኑን ሲመሩ የነበሩ አራት አመራሮች ለአቶ ቢኒያም መብት ከመሟገት ይልቅ ራሳቸውን ከቢሮው ሃሳብ ጋር በማስኬድ ከጽ/ቤት ሃላፊዋ ጋር በመሰብሰብ ምልአተ ጉባኤ ባልተሟላበት በድብቅ ተነጋግረው ለፊታችን ቅዳሜ በቫይብስ ሆቴል የጠሩት ጉባኤ ሁሉንም ያላማከለና ለአሰልጣኞችና ለኤሊት አትሌቶች ማህበር ጥሪ ሳያደረጉ ጥሩው ለክለቦች ብቻ መድረሱ የህጋዊነትና የተቀባይነት ጥያቄ ሊነሳበት እንደሚችል ተገምቷል።

የባህልና ስፖርት ሚኒስቴር ሚኒስትር ደኤታ የሆኑት አምባሳደር መስፍን ቸርነትም ትውልደ ኢትዮጵያዊያንን የሚከለክለው መመሪያ ካለም በብሄራዊ ፌዴሬሽኖች እንጂ በክልልና ከተማ አስተዳደር ፌዴሬሽኖች የሃላፊነት ቦታ አይደለም በሚል ማብራሪያ ቢሰጡም የወጣቶችና ስፖርት የቢሮ ሃላፊዎች ሊተገብሩት አለመቻላቸው ሃላፊነትን ለግል ሃሳብ ለማዋል ከማሰብ ውጪ የተለየ ትርጉምን አይሰጠውምም እየተባለ ነው።

“የአዲስ አበባ የስፖርት ም/ቤት መመሪያ ከህዝብ ተወካዮች ም/ቤት የዲያስፖራ አዋጅ በላይ ሊሆን አይችልም” የሚሉት የህግ ሰዎች ደግሞ “መመሪያው ቢጸድቅ እንኳን ከጸደቀበት ቀን ጀምሮ በቀጣዩ አመት እንጂ ወዲያውኑ የሚተገበርበት አግባብም የለውም” ሲሉ ይከራከራሉ።

ቅዳሜ የተጠራው ጠቅላላ ጉባኤ የመካሄዱ ነገር ጥያቄ ቢነሳበትም 3 ፕሬዝዳንታዊና 14 የስራ አስፈጻሚ ኮሚቴ አባላት በዕጩነት መቅረባቸው ታውቋል።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...