ሲዳማ ቡና የወሳኝ ተጫዋቹን ዉል ሲያራዝም እንዲሁም የግራ መስመር ተከላካይ አስፈርሟል።

በአሰልጣኝ ስዩም ከበደ እየተመራ በዝዉዉር መስኮቱ ላይ በንቃት በመሳተፍ ላይ እና እንዲሁም የነባር ተጫዋቾቹን ዉል በማደስ ላይ የሚገኘዉ ሲዳማ ቡና የወሳኝ አጥቂዉን ዉል ሲያራዝም እንዲሁም የግራ መስመር ተከላካይ አስፈርሟል።

የ2014 ዓ/ም የቤትኪንግ የኢትዮጵያ ፕሪሚየር ሊግ ከፍተኛ ጎል አግቢ ሆኖ ያጠናቀቀዉ እና የሲዳማ ቡና የተስፋ ቡድን ፍሬ የሆነዉ እና ለ6 ዓመት ክለቡን ያገለገለዉን ይገዙ ቦጋለን ሲዳማ ቡና ለተጨማሪ 2 ዓመት ዉሉን አድሷል።

እንዲሁም የሀዋሳ ከተማ የተስፋ ፍሬ በመሆን ዋናዉን ቡድን ለበርካታ ግዜያት በማገልገል እና ያለፉትን 2 ዓመት ከአዳማ ከተማ ጋር ማሳለፍ የቻለዉን የግራ መስመር ተከላካይ የሆነዉን ደስታ ዩሀንስን በ2 ዓመት ኮንትራት አስፈርሟል።