መነሻ ገጽ ቃለመጠይቅ ” ኳስን መስርቶ ለሚጫወት ቡድን የሚሆን ብቃት አለኝ ” ፋሲል አማረ /ኦሜድላ /
ቃለመጠይቅኦሜድላዜናዎችየኢትዮጵያ ከፍተኛ ሊግ

” ኳስን መስርቶ ለሚጫወት ቡድን የሚሆን ብቃት አለኝ ” ፋሲል አማረ /ኦሜድላ /

አጋራ
አጋራ

” ትልቅ ነክ ተብዬ በታዳጊ ቡድን ውስጥ ሳልካተት ቀርቻለሁ ”

” ኳስን መስርቶ ለሚጫወት ቡድን የሚሆን ብቃት አለኝ ”

” እግርኳስ መዝናኛዬም እንጀራዬም ነው “

መነሻውን ከአርባምንጭ ከተማ ያደረገው ወጣት በደደቢት ታዳጊ ቡድን የእግር ኳስ ህይወቱን ሀ ብሎ ጀምሮ በኢትዮጵያ ቡና ከ20 ዓመት በታች ቡድን መጫወት ችሏል ። የተከላካይ አማካይ ስፍራ ተጫዋቹ ፋሲል አማረ ።

ፋሲል ስለ እግርኳስ ህይወቱ አጀማመር እና አሁን ያለበትን ሁኔታ አጫውቶናል ፤ በሰውነቱ ግዝፈት ምክንያት በታዳጊ ቡድን ውሰጥ የመግባት ዕድሉ ተሰናክሎበት ነበር ፤ አርባምንጭ ላይ አሁን ላይ ስላለው የታዳጊዎች ሁኔታም ያለን አለ ፤ በተጫዋቾች ዝውውር ላይ ስለሚነሳው ከፍተኛ ገንዘብም ሀሳቡን አጋርቶናል ፤ በኢትዮጵያ ውሰጥ ማልያውን ለብሶ መጫወት የሚፈልገውን ክለብም ጠቅሶልናል ። ሙሉ ቃለ ምልልሱን እንዲህ አቀረብንላችሁ ።

ሀትሪክ – የእግርኳስ አጀማመርክ ምን ይመስላል ?

ፋሲል – እግርኳስን የጀመርኩት አርባምንጭ ከተማ ላይ ፕሮጀክት ጎዳና የሚባል አሰልጣኝ ነበረ ወጣት ነው ሰፈር ውስጥ ሰብስቦ ያሰራን ነበረ ። ወደ ሶስት አመት እሱጋር ሰርቻለሁ ። ከዛ ደደቢት ፕሮጀክት 2005 አካባቢ ለመክፈት መጡና ብዙ ልጆች ምልመላ አደረጉ ቦታው ላይ አልነበርኩም ነበረ ። ከዛ 2005 እና 2006 ከሰሩ በኋላ 2007 ላይ አሰልጣኙ አይሀለሁ ብሎኝ እዛ የሙከራ ዕድል አግኝቼ አስገባኝና አስፈረመኝ ።

ከዛ ከ2007 እስከ 2011 ድረስ በደደቢት የአርባምንጭ አካዳሚ ውሰጥ ቆየሁ ። ዋናው ቡድን የሊግ ጨዋታ ለመጫወት በመጡበት ማግስት የደደቢት ሊቀመንበር የነበረው አቶ አወል ወደ ዋናው ቡድን ትገባለክ ብሎኝ ነበር ።

በዛን ወቅት ኢትዮጵያ ቡና ከአርባምንጭ ጨዋታ ነበረው ። ከዛ የቡና ቡድን መሪ እወስድሀለሁ ተዘጋጅ አንተ ብሎኝ ሄደ ። ከዛን ክረምት ላይ ስልክ ደወለልኝ እና ሙከራ ማየት አለብን አሉኝ ። ከዛ በሙከራው ወደ 200 አካባቢ ሰው ነበረ ከነዛ ውስጥ 50 ሰው ሲቀር መካተት ቻልኩ ። በመቀጠል መስከረም አካባቢ MRI ከታየሁ በኋላ አስፈረሙኝ ።

ከዛም በኢትዮጵያ ቡና ከ20 አመት በታች ቡድን በ2011 እና በ2012 ኮቪድ መጥቶ እግርኳሱ እስኪቆም ድረስ ስጫወት ቆይቻለሁ ።

ሀትሪክ : ከዛስ ?

ፋሲል : ከዛም ከኢትዮጵያ ቡና ጋር መልቀቂያ ወስጄ ተለያየሁ እና ወደ ደባርቅ ከተማ አመርቼ 2013ን በዛው አሳለፍኩ ። ክረምት ላይ ደግሞ የፌዴራል ፖሊስ አሰልጣኝ ተስፋዬ አርባምንጭ መጥቶ ነበር እና ካየኝ በኋላ ወሰደኝ 2014ን በከፍተኛ ሊግ በፌዴራል ፖሊስ ላሳልፍ ችያለሁ ።

ሀትሪክ – እስካሁን የአራት ክለቦችን ማልያ ለብሰካል ። ጥሩ ጊዜ አሳልፌበታለሁ የምትለው ክለብ የትኛው ነው ?

ፋሲል – በደደቢት ከ2007 እስከ 2010 ያሳለፍኩት በጣም አሪፍ ጊዜ ነበር ። ብዙ ጊዜ አስበዋለሁ እሱን ጊዜ ጥሩ የሆነ ፍቅር ነበረን ከልጆች ጋር ደሞም ጎበዝ ጎበዝ ልጆች ነበሩ ። ስብስብ ውስጥ ከነበሩት ጋር አብሬ በመጫወቴ አብሬ በመስራቴ በጣም ነበር ትልቅ ደስታ የሚሰማኝ ከዛ በኋላ ነው እግርኳስ ተጫዋች መሆንም የተመኘውት እና ጥሩ ጊዜ ለኔ ደደቢት ፕሮጀክት የሰራሁበት ነው ።

ሀትሪክ – ከኢትዮጵያ ቡና ጋር ለምን ተለያየክ ?

ፋሲል – MRI ለሁለት አመት ነበር የመጣልኝ ። ከዛ 2012 ግማሽ ላይ ኮቪድ መጣ ። በዛው መልቀቂያ ወስጄ ወጣሁ ። ግን የተወሰነ መቆየት ብችል ኖሮ በካሳዬ አራጌ ቡድን ውስጥ የመጀመሪያ ሰው እሆናለሁ ነበር ብዬ አስባለሁ ። አንድ ተጫዋች የራሱን ብቃት እና አቅም ማወቅ አለበት አይደል ? ኳስን መስርቶ ለሚጫወት ቡድን ደግሞ የሚሆን የሜዳ ላይ ብቃት አለኝ ብዬ አስባለሁ ።

ሀትሪክ – ለኔ ጥሩ እና በደንብ ብቃቴን አውጥቼ እጫወትበታለሁ የምትለው ቦታ ?

ፋሲል – የተከላካይ አማካይ ቦታ ነበር የምጫወተው ። ከኢትዮጵያ ቡና በኋላ ደግሞ ወደ መሀል ተከላካይ እየተመለስኩም እጫወት ነበር ። ግን በይበልጥ የተከላካይ አማካይ ቦታ በጣም የምወደው ቦታ ነው ። በፌዴራል ፖሊስ ዘንድሮ ብዙ የተጫወትኩት በተከላካይ አማካይ ቦታ ነው ግን አንዳንዴ የመሀል ተከላካይ ተጫዋቾች በተለያዩ ምክንያቶች በማይኖሩበት ጊዜ አሰልጣኙ ወደ ኋላ መልሶ ያጫውተኝ ነበር ።

ሀትሪክ – ቤተሰቦች በእግርኳስ እንድትቀጥልበት ድጋፍ ወይስ ተቃውሞ ነበራቸው ?

ፋሲል – ይደግፉኝ ነበር ። እናቴም አባቴም ኳስ ላይ ትኩረት ያደርጉ ነበር እና አልተጫኑኝም ኳሱን እንድጫወት ይገፋፉኝ ነበር እንደውም ። ቤት እንኳን ስቀመጥ ዛሬ ለምን አልሄድክም ልምምድ እያሉ ይጠይቁኝ ነበር ። በቃ እንጀራዬን እንድሰራ እንጂ እንዲ አታድርግ እንዲ አድርግ እያሉ አይጫኑኝም ።

ሀትሪክ – ከኢትዮጵያ ተጫዋቾች እንደ አርአያክ ወይም ሲጫወት ስታየው እንደሱ መሆን እፈልጋለሁ የምትለው ማነው ?

ፋሲል – ጋቶች ፓኖም ነው በጣም ነው የምወደው እና ደግሞ ኢትዮጵያ ቡና የነበረው አሁን ለድሬዳዋ ከተማ የሚጫወተው ዳንኤል ደምሴ በጣም የማደንቀው ተጫዋች ነው ።

ሀትሪክ – ከውጪስ ?

ፋሲል – የባርሴሎናው ቡስኬት

ሀትሪክ – በእግር ኳስ እቅድክ ምንድነው ?

ፋሲል – ከፈጣሪ ጋር በአውሮፓ ውስጥ የመጫወት ትልቅ ህልም አለኝ ።

ሀትሪክ – ከፌዴራል ፖሊስ ጋር ኮንትራት አለክ አሁን ?

ፋሲል – ለአንድ አመት ብቻ ነው የፈረምኩት ። ከፍተኛ ሊግ ላይ በብዛት እንደዛ ነው ። አሁን ላይ በፕሪሚየር ሊግ ክለቦች የሙከራ ዕድል ለማግኘት እየጣርኩ ነው ።

ሀትሪክ – ስለዚህ ቀጣይ አመት ፋሲልን በፕሪሚየር ሊግ እንመለከተዋለን ?

ፋሲል – አዎ ከ70% እና 80% አካባቢ እንደዛ ነው ያሰብኩት ።

ሀትሪክ – ቀርበው ያናገሩክ ክለቦች አሉ ?

ፋሲል – አዎ በሙከራ ደረጃ እንደሚያዩኝ የነገሩኝ አሉ እና ተዘጋጅና ጠብቀን ብለውኝ እኔም በአሁን ሰአት በተገቢው ተዘጋጅቼ እየጠበኩ ነው ።

ሀትሪክ – ላንተ እግርኳስ ምንድነው ?

ፋሲል – ለኔ እግርኳስ መዝናኛዬም ነው እንጀራዬም ነው ።

ሀትሪክ – አርባምንጭ ላይ ያለው ተተኪ ታዳጊዎች የማፍራት ስራ ምን ያህል ነው ?

ፋሲል – አርባምንጭ ላይ ብዙ ፕሮጀክቶች አሉ ። ከተማው ላይ በጣም ጎበዝ ጎበዝ ልጆች አሉ በፊት በፊት አሰልጣኞች መተው ያዩ ነበር ። አሁን ግን ብዙም ትኩረት አይሰጥም ወደዚህ ። እኔ አዲስ አበባ ሄጄ ስመለስ እንደዚህ ይሆናል ብዬ አላሰብኩም ነበር በጣም ጥሩ አቅም ያላቸው ልጆች አሉ ግን ዕድል ባለማግኘታቸው ሰፈር ውሰጥ ተቀምጠው ነው የሚውሉት ። ያ ነገር ያናደኛል ወደፊት ፈጣሪ ቢልልኝ ፕሮጀክት እከፍታለሉ የሚል ሀሳብ አለኝ ።

ሀትሪክ – በእግርኳስ የተከፋህበት ቀን አለ ?

ፋሲል – አዎ አለ ። የከፋኝ ቀን ደደቢት ፕሮጀክት ገና በተጀመረበት ሰዓት ሰውነቴ ግዙፍ ነው እና ትልቅ ነክ ተብዬ ከ13 እና 15 አመት በታች ቡድን መካተት ሳልችል ቀርቻለሁ ።

ሀትሪክ – ትልቅ ነህ ተብለክ ነው ሳትካተት የቀረኸው ?

ፋሲል – አው ልጅ አይደለሀም ትልቅ ነክ ብለው ሙከራ ማድረግ አትችልም አሉኝ ።

ሀትሪክ – በጣም የተደሰትክበት አጋጣሚስ ?

ፋሲል – የተደሰትኩበት ደግሞ በዛው የደደቢት ፕሮጀከት መቀላቀል የቻልኩበት እና ለትዮጵያ ቡና የፈረምኩበትን ጊዜ በጣም ነበር የተደሰትኩት ።

ሀትሪክ – በቀጣይ የእግርኳስ ዘመንክ ማልያውን ለብሼ ብጫወት የምትለው የኢትዮጵያ ክለብ አለ ?

ፋሲል – በኢትዮጵያ ውሰጥ ማልያውን ለብሼ መጫወት የምፈልገው በተስፋ ቡድን ተጫውቼ ያሳለፍኩበትን የኢትዮጵያ ቡና ዋና ቡድንን ማልያ ለብሼ ብጫወት ደስ ይለኛል ።

ሀትሪክ – ከአግርኳስ ውጪ ያለህን ጊዜ በምን ታሳልፋለክ ?

ፋሲል – ብዙ ጊዜ በቤተክርስቲያን ነው የማሳልፈው ። ወደ መንፈሳዊ ህይወት በጣም አተኩራለሁ ። ከዛም ባለፈ በፍቅር ፋሲል የሚባል ልጅ አለኝ ከሱጋር ብዙ ጊዜዬን አሳልፋለሁ ። ፈጣሪንም እሱን ስለሰጠኝ በጣም አመሰግነዋለሁ ።

ሀትሪክ – ፋሲል በክረምቱ የዝውውር መስኮት ላይ ከፍተኛ የሆነ ገንዘብ እየሰማን እንገኛለን ። የሚጠራው ገንዘብ ተገቢ ነው ትላለክ ?

ፋሲል – አዎ እኔ ተገቢ ነው እላለሁ ። ለምን ብትል አንድ ተጫዋች ቢጎዳ የሆነ ነገር ቢሆን የመጀመሪያው አላማው ብሎ የወጣበት ነገር ነው ከእንደገና ሌላ ነገር ውስጥ ለመግባት ብዙ ጊዜ ይፈልጋል ። ስለዚህ ተገቢ ነው እላለሁ ።

ሀትሪክ – በመጨረሻም ማመስገን የምትፈልገው አካል ካለ ዕድሉን ሰጠሁክ ።

ፋሲል – ማመስገን የምፈልገው አሁን በፌዴራል ፖሊስ ያሰለጥነኝ የነበረው አሰልጣኝ ተስፋዬ ፤ በኢትዮጵያ ቡና ያሰለጥነኝ የነበረው ዮሴፍ ፤ በደደቢት ያሰለጥነኝ የነበረው አሁን በጋሞ ጬንቻ ምክትል አሰልጣኝ የሆነው መላኩን በጣም ማመስገን እፈልጋለሁ ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...

ዜናዎችየኢትዮጵያ ፕሪሚየር ሊግ

በ5 ሳምንታት 39 ጨዋታዎች፣ 72 ጎሎችና ከ22.6 ሚሊዮን ብር በላይ ገቢ ተመዘገበ!

በአቤኔዘር አበበ በ2019 ዓ.ም የሲቢኢ ኢትዮጵያ ፕሪሚየር ሊግ የመጀመሪያዎቹ አምስት የውድድር ሳምንታት...