👉የሱፐር ስፖርት የቀጥታ ስርጭት ለምን ተቋረጠ … ?
👉ፕሪምየር ሊጉ መቼስ የቀጥታ ስርጭት ሽፋን ያገኛል … ?
በዚህም በዛሬዉ ዕለት አክሲዮን ማህበሩ ከሁሉ ስፖርት ጋር በነበረዉ የአጋርነት ስምምነት ስለ ሱፐር ስፖርት የቀጥታ ስርጭት መቋረጥ ስራ አስኪያጁ አቶ ክፍሌ ሰይፈ እግረመንገዳቸዉን ማብራሪ ሰጥተዋል።
ይህንንም ተከትሎ ከ2013 አመት ጀምሮ በቀጥታ ስርጭት የኢትዮጵያ ፕሪምየር ሊጉን በማስተላልፍ ላይ ከሚገኘዉ ሱፐር ስፖርት ጋር አራተኛዉን አመት በተሻለ ጥራት ለማስተላለፍ እና ያሉ ችግሮችን ለመቅረፍ እንዲሁም መስተካከል በሚገባቸዉ ጉዳዮች ዙሪያ ሊጉ ከመጀመሩ አስቀድሞ አክሲዮን ማህበሩ በሀያት ሪጀንሲ ግምገማ አድርገዉ ነበር ገልፀዋል።

በዚህም በየአመቱ 60 ጨዋታዎች ለማስተላለፍ ቢሆንም ስምምነታቸዉ ነገር ግን በመጀመሪያው አመት ሙሉ የሚባል ጨዋታን ፣ በሁለተኛዉ አመት 235 ጨዋታ እንዲሁም በሶስተኛዉ አመት ማለትም አምና 186 የሚጠጉ ጨዋታዎች የቀጥታ ስርጭት ሽፋን እንዳገኙ ሲገልፁ ፤ ነገር ግን የ2016 ውድድር አመት የሊጉን ጨዋታዎች ለማስተላለፍ እስከዛሬ ከሱፐር ስፖርት ጋር የሚሰራዉ የኬንያዉ ተቋም በድንገት በመቅረቱ የቀጥታ ስርጭት ሽፋኑ መቋረጡ ተነግሯል።
በዚህም የመጀመሪያዉን ሳምንት ሀገር ውስጥ በሚገኝ አንድ የሚዲያ ተቋም ለማስተላለፍ የተቻለ ሲሆን በጥራት ምክንያት መቀጠል እንዳልተቻለ እና ከሌሎች የሀገር ውስጥ ድርጅቶች ጋር ለመስራት ቢታሰብም ግን ዋጋቸዉ እጅጉኑ ውድ በመሆኑ ሳይሳካ መቅረቱ ተጠቁሟል።
ይህንንም ተከትሎ ከ6ተኛ ሳምንት ጨዋታዎች በኋላ ሱፐር ስፖርት ከደቡብ አፍሪካ ሌላ ካምፓኒ ጋር በሚኖረዉ ስምምነት ጨዋታዎቹ የቀጥታ ስርጭት ሽፋን እንደሚያገኙ አቶ ክፍሌ ገልፀዋል።
አስተያየት ይስጡ