የጨዋታ ዘገባ | ኢትዮጵያ ቡና እና አዳማ ከተማ ነጥብ ተጋርተዋል

በቤትኪንግ ኢትዮጵያ ፕሪሚየር ሊግ የሀያ ሁለተኛ ሳምንት የሁለተኛ ቀን ጨዋታ አዳማ ከተማ እና ኢትዮጵያ ቡና ጨዋታቸውን ሁለት አቻ በሆነ ዉጤት አጠናቀዋል።

ሁለቱም ቡድኖች በ21ኛው ሳምንት ድል ያደረጉበትን ምርጥ አስራአንድ ሳይለውጡ ወደ ጨዋታው ገብተዋል ።

በበርካታ ደጋፊዎች ታጅቦ የተደረገው ጨዋታ በሜዳ ላይ እንቅስቃሴውም እጅግ ሳቢ እና ለመመልከት የሚያጓጓ ነበር ።

በጨዋታው የመጀመሪያ አጋማሽ በሁለቱም በኩል ዕረፍት የለሽ የሆነ እንቅስቃሴ የነበረ ሲሆን ጥሩ ጥሩ የግብ ዕድሎችንም ያስመለከተ ነበር ።

ልክ እንደ ቀን 9:00 ጨዋታ ሁሉ በዚህ ጨዋታም በሶስተኛው ደቂቃ ላይ ግብ ተቆጥሮል ። ግብ አስቆጣሪው ክለብ ኢትዮጵያ ቡና ግብ አስቆጣሪው ተጫዋች ደግሞ መሀመድኑር ናስር ።

ከግቡ በኀላ አዳማ ከተማዎች አቻ ለመሆን በተደጋጋሚ የኢትዮጵያ ቡናን የኋላ ክፍል ለመፈተን ጥረቶችን አድርገዋል ። ይህ ጥረታቸውም በ21ኛው ደቂቃ ላይ ፍሬ አፍርቶላቸዋል ።

ከሰሞኑ በጥሩ ብቃቱ ላይ የሚገኘው ዮሴፍ ታረቀኝ ያቀበለውን ኳስ አድናን ረሻድ በእዝቅኤል ሞራይ መረብ ላይ አሳርፎታል ። አድናን ረሻድ ባሳለፍነው ሳምንት ጨዋታም በሲዳማ ቡና ላይ ቀዳሚውን ግብ ማስቆጠሩ ይታወሳል ።

በሁለቱም በኩል ግብ ያስተናገደው ጨዋታው ቶሎ ቶሎ ወደ ግብ ክልል በሚደርሱ ኳሶች ታጅቦ ሲቀጥል 37ኛው ደቂቃ ላይ የጨዋታውን ሶስተኛ ግብ አስተናግዷል ።

የቀድሞዉ የኢትዮጵያ ቡና አማካይ መስዑድ መሐመድ ላይ ጥፋት መሰራቱን ተከትሎ የተሰጠዉን ፍፁም ቅጣት ምት ባለ ግራ ዕግሩ ደስታ ዮሐንስ ወደ ግብነት በመቀየር ክለቡን መሪ ማድረግ ችሏል።

በሁለተኛዉ ኢጋማሽ ተሻሽለዉ የተመለሱት እና ተደጋጋሚ የግብ ዕድል መፍጠር የቻሉት ቡናማዎቹ በጨዋታዉ 63ተኛ ደቂቃ ላይ ግብ ማሰቆጠረ ችለዉ ነበር ፤ በዚህም ሮቤል ተክለሚካኤል በቀጥታ ለፊት መስመር አጥቂዉ አንተነህ ተፈራ ያቀበለዉን ኳስ አጥቂው በጥሩ ቅልጥፍና ወደ ግብነት ቢቀይርም የዕለቱ መስመር ዳኛ ከጨዋታ ዉጭ በሚል ግቧ ሳትፀድቅ ቀርታለች።

በተጨማሪም ከኢትዮጵያ ቡና የቀኝ የማጥቃት በኩል የተሻማዉን ኳስ የአዳማ ከተማ ተከላካዮች በሚገባ ባለማፅዳታቸዉ ምክንያት አጥቂዉ ብሩክ በየነ ኳሷን ለመቆጣጠር ተቃርቦ የነበረ ቢሆንም ግብ ጠባቂዉ ሰይድ ሀብታሙ እንደምንም ተወርውሮ ኳሷን ተቆጣጥሯታል።

ምንም እንኳን ጨዋታዉን በመምራት ላይ ቢገኙም በሁለተኛዉ አጋማሽም ጥሩ ጥሩ የሚባሉ የግብ ዕድሎችን መፍጠር የቻሉት አዳማዎች በ74ተኛዉ ደቂቃ ላይ ጥሩ የሚባል ለግብ የቀረበ ሙከራ ማድረግ ችለዉ ነበር ፤ በዚህም ተቀይሮ የገባዉ ነቢል ያቀበለዉን ኳስ የመስመር አጥቂዉ ቢኒያም አይተን በቀጥታ ወደ ግብ ቢልክም ኳሷ ኢላማዋን ሳትጠብቅ ወደ ዉጭ ወጥታለች።

ከዚች ሙከራ ከአንድ ደቂቃ በኋላም በድጋሚ ቢኒያም አይተን ከሳጥኑ ጠርዝ ላይ ጥሩ ዕድል አጊኝቶ በቀጥታ ወደ ግብ ቢሞክሩም ግብ ጠባቂዉ በቀላሉ ኳሷን ተቆጣጥሯታል።

በ78ተኛዉ ደቂቃ ላይ ሀይለሚካኤል አደፍርስ ከኢትዮጵያ ቡና የግራ ማጥቃት በኩል ያሻማውን ኳስ አጥቂዉ መሐመድ ኑር ናስር በአስገራሚ አክሮባቲክ ምት ወደ ግብነት በመቀየር ክለቡን አቻ ማድረግ ችሏል።

በቀጣዮቹ ደቂቃዎች ላይ ለመሸናነፍ በሁለቱም በከል የነበሩት ጥረቶች ውጤታማ ሳይሆኑ አንድ አንድ ነጥብ ይዘው ከሜዳ ወጥተዋል ።

በ23ኛ ሳምንት ጨዋታዎች በመጪው ሚያዝያ 30(ሰኞ) በ9:00 አዳማ ከተማ ወላይታ ድቻን ሲገጥም በተከታዩ ቀን በተመሳሳይ ሰዓት ኢትዮጵያ ቡና ከባህርዳር ከተማ ይጫወታል ።