መነሻ ገጽ ለገጣፎ ለገዳዲ የጨዋታ ዘገባ | የአህመድ ሁሴን ግቦች አዞዎቹን አሸናፊ አድርገዋል
ለገጣፎ ለገዳዲቤትኪንግ የኢትዮጵያ ፕሪምየር ሊግአርባምንጭ ከተማዜናዎችየኢትዮጵያ ፕሪሚየር ሊግየጨዋታ ዘገባ

የጨዋታ ዘገባ | የአህመድ ሁሴን ግቦች አዞዎቹን አሸናፊ አድርገዋል

አጋራ
አጋራ

የቤትኪንግ ኢትዮጵያ ፕሪምየር ሊግ ከሶስት ቀናት በኋላ ወደ ውድድር ሲመለስ በአዳማ ሳይንስና ቴክኖሎጂ ዩኒቨርሲቲ ስታድየም በተደረገው የ28ኛው ሳምንት ቀዳሚ ጨዋታ አርባ ምንጭ ከተማ ለገጣፎ ለገዳዲን 2 – 1 አሸንፏል ።

በ27ኛው ሳምንት ከሲዳማ ቡና አቻ የተለያዩት አርባምንጭ ከተማዎች በጨዋታው ከነበረው የመጀመሪያ አሰላለፍ ሶስት ለውጦችን በማድረግ አበበ ጥላሁን ፣ ወርቅይታደስ አበበን እና ቡጣቃ ሸመናን በአካሉ አትሞ ፣ አሸናፊ ፊዳ እና አቡበከር ሻሚል ተክተው ገብተዋል ። በሳምንቱ በቅዱስ ጊዮርጊስ የተረቱት ለገጣፎ ለገዳዲዎች በበኩላቸው አራት ለውጦችን በማድረግ በተስፋዬ ነጋሽ ፣ ኤልያስ አታሮ ፣ መሀመድ አበራ እና አማኑኤል አረቦ ምትክ አቤል አየለ ፣ አስናቀ ተስፋዬ ፣ ሱራፌል አወል እና ካርሎስ ዳምጠውን ተክተው ገብተዋል ።

በጨዋታው ከወራጅ ቀጠናው ለመውጣት የግድ ከጨዋታዉ ሶስት ነጥቦችን ማግኘት የነበረበት አርባምንጭ ከተማ ጨዋታውን በብልጫ መጀመር ችሏል ። አዞዎቹ በተደጋጋሚም ፊት መስመር ለሚገኙ ተጫዋቾች በሚላኩ ኳሶችም የግብ ዕድሎችን ለመፍጠር ጥረቶች አድርገዋል ።

አዞዎቹ ብልጫውን ወስደው በመጫወት ወደ ተጋጣሚያቸው የግብ ክልል ቶሎ ቶሎ ለመድረስ ቢጥሩም የለገጣፎ ለገዳዲ የኋላ ከፍል አልፈው ሙከራዎችን ለማድረግ ተቸግረው ቆይተዋል ።

ጨዋታው 18ኛው ደቂቃ ላይ ሲደርስ አሸናፊ ፊዳ በሳጥን ውስጥ ሆኖ ከተመስገን ደረሰ የተላከለትን ኳስ ለመጠቀም ሲሞክር በአስናቀ ተስፋዬ በተሰራበት ጥፋት አዞዎቹ የፍፁም ቅጣት ምት አግኝተዋል ። የፍፁም ቅጣት ምቱንም አህመድ ሁሴን ከመረብ አሳርፎታል ።

በቀጣዮቹ ደቂቃዎች ላይ በሁለቱም በኩል ኳስ ተቆጣጥረው ለመጫወት ጥረቶችን አድርገዋል ።

በ35ኛው ደቂቃ ላይ ግን ለገጣፎ ለገዳዲዎች አቻ የሆኑበትን ግብ አስቆጥረዋል ። ሱራፌል አወል ከሳጥኑ በቅርብ ርቀት የተገኘውን ኳስ በቀጥታ ወደ ግብ በመምታት ኳስ እና መረብን አገናኝቷል ።

ከግቡ መቆጠር ሰከንዶች ቆይታ በኋላ አስናቀ ተስፋዬ ወርቅይታደስ አበበ ላይ በሰራው ጥፋት በሁለተኛ የቢጫ ካርድ ከሜዳ ተሰናብቷል ።

የመጀመሪያው አጋማሽ የጨዋታ ክፍለጊዜም በ1 – 1 ውጤት ተጠናቋል ።

በሁለተኛው አጋማሽም አርባምንጭ ከተማዎች ይበልጥ ጫና በመፍጠር ከጨዋታው ውጤት ይዘው ለመውጣት ጥረቶች ያደረጉበት ነበር ።

አዞዎቹ በተደጋጋሚ ወደ ለገጣፎ ለገዳዲ የግብ ክልል ለመድረስ ጥረቶች ቢያደርጉም የለገጣፎ ለገዳዲውን ግብ ጠባቂ ኮፊ ሜንሳህን የፈተነ የግብ ሙከራ ለማድረግ ተቸግረዋል ።

በ61ኛው ደቂቃ ላይ ግን የለገጣፎ ለገዳዲን መረብ በጨዋታው ለሁለተኛ ጊዜ ማግኘት ችለዋል ። የአርባምንጭ ከተማን ቀዳሚ ግብ ያስቆጠረው አህመድ ሁሴን ከወርቅይታደስ አበበ የተሻገረለትን ኳስ ከመረብ ላይ አሳርፏል ።

በቀጣዮቹ ደቂቃዎች ላይም አዞዎቹ ተጨማሪ ግብ ለማከል ተጭነው ሲጫወቱ ለገጣፎ ለገዳዲዎች አብዛኛውን ጊዜያቸውን ከኳስ ጀርባ ለማሳለፍ ተገደዋል ።

በመጨረሻዎቹ ደቂቃዎች ላይ አርባምንጭ ከተማዎች በተለይም በኤሪክ ካፓይቶ አማካኝነት በ79ኛው ደቂቃ ላይ ያደረጉት ሙከራን ጨምሮ ሶስተኛ ግብ ማስቆጠር የሚችሉባቸውን አጋጣሚዎች መፍጠር ቢችሉም ሳይጠቀሙባቸው ቀርተዋል ።

በመጨረሻም በበረከት ደሙ በሚመራው አርባምንጭ ከተማ የ2 – 1 ድል ጨዋታው ተጠናቋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...