መነሻ ገጽ ቤትኪንግ የኢትዮጵያ ፕሪምየር ሊግ የፕሪምየር ሊጉ ኮከብ ዕጩዎች ይፋ ሆነዋል
ቤትኪንግ የኢትዮጵያ ፕሪምየር ሊግዜናዎችየኢትዮጵያ ፕሪሚየር ሊግ

የፕሪምየር ሊጉ ኮከብ ዕጩዎች ይፋ ሆነዋል

አጋራ
አጋራ

ሊጠናቀቅ የአንድ ሳምንት መርሀግብር ብቻ የቀረው የ2015 ዓ.ም የቤትኪንግ ኢትዮጵያ ፕሪሚየር ሊግ ቅዱስ ጊዮርጊስ ሻምፕየን እና የቀጣዩ ዓመት የቻምፒየንስ ሊግ ተሳታፊ መሆኑን በትናንትናው ዕለት አረጋግጧል ።

በተጨማሪም ባህርዳር ከተማ የ2ኛ ደረጃን በመያዝ የኮንፌዴሬሽን ዋንጫ ተሳታፊ መሆኑ ተረጋግጧል ። በተጨማሪም ለገጣፎ ለገዳዲ እና ኢትዮ ኤሌክትሪክ መውረዳቸውን ሲያረጋግጡ ሶስተኛው ወራጅ ክለብ ከአርባምንጭ ከተማ እና ከወልቂጤ ከተማ አንዱ በመሆን በመጪው ሀሙስ በሚደረጉ ጨዋታዎች ይታወቃል ።

ከውድድሩ መጠናቀቅ በኋላ ተጠባቂ የሆነውን የኮከብ ተጫዋች ፣ ኮከብ ግብ ጠባቂ ፣ ተስፈኛ ተጫዋች እና ዝርዝር ይፋ ሆኗል ።

በኮከብ ተጫዋችነት እስማኤል ኦሮ አጎሮ(ቅዱስ ጊዮርጊስ) ፣ ፉአድ ፈረጃ(ባህርዳር ከተማ) ፣ ያሬድ ባየህ(ባህርዳር ከተማ) ፣ ጌታነህ ከበደ(ወልቂጤ ከተማ) ፣ ባሲሩ ዑመር(ኢትዮጵያ መድኅን) ፣ አለልኝ አዘነ(ባህርዳር ከተማ) እና ቢንያም በላይ(ቅዱስ ጊዮርጊስ) ተካተዋል ።

በኮከብ ግብ ጠባቂ ዘርፍ ደግሞ ሶስት ዕጩዎች የቀረቡ ሲሆን አቡበከር ኑራ(ባህርዳር ከተማ) ፣ ፔፔ ሰይዶ(ሀዲያ ሆሳዕና) እና ቢንያም ገነቱ(ወላይታ ድቻ) ተካተዋል ።

በተስፈኛ ተጫዋቾች ዘርፍ አምስት ተጫዋቾች በዕጩነት ሲቀርቡ ዮሴፍ ታረቀኝ(አዳማ ከተማ) ፣ አማኑኤል ተርፉ(ቅዱስ ጊዮርጊስ) ፣ አበባየሁ ሀጂሶ(ወላይታ ድቻ) ፣ ዘላለም አባተ(ወላይታ ድቻ) እና ፍቅሩ አለማየሁ(ለገጣፎ ለገዳዲ) ተካተዋል ።

በኮከቦቹ ምርጫ ላይ የሊጉ ተመልካቾች ድምፅ መስጠት የሚቻሉ ሲሆን በኢትዮጵያ ፕሪሚየር ሊግ ይፋዊ የቴሌግራም ገፅ ላይ ለመረጡት ዕጩ ድምፅ መስጠት ይቻላል ።

በ2014 ዓ.ም የውድድር ዘመን የቅዱስ ጊዮርጊሱ ጋቶች ፓኖም(ቅዱስ ጊዮርጊስ) በኮከብ ተጫዋችነት ፤ ቻርለስ ሉክዋጎ(ቅዱስ ጊዮርጊስ) በኮከብ ግብ ጠባቂነት ፤ ይገዙ ቦጋለ(ሲዳማ ቡና) በኮከብ ግብ አግቢነት ፤ ተሾመ በላቸው(መቻል) በተስፈኛ ተጫዋች እንዲሁም ዘሪሁን ሸንገታ(ቅዱስ ጊዮርጊስ) በኮከብ አሰልጣኝነት መመረጣቸው የሚታወስ ነው ።

በኮከብ ግብ አግቢነቱ የቅዱስ ጊዮርጊሱ እስማኤል ኦሮ አጎሮ በ25 ግቦች በመምራት ላይ የሚገኝ ሲሆን ጌታነህ ከበደ በ18 እንዲሁም ቢንያም ጌታቸው በ13 ግቦች የሁለተኛ እና ሶስተኛ ደረጃን ይዘዋል ።

አጋራ

አስተያየት ይስጡ

Leave a Reply

Your email address will not be published. Required fields are marked *

ተዛማጅ ጽሑፎች
ሽረ ምድረገነትዜናዎችየኢትዮጵያ ከፍተኛ ሊግ

ምድረ ገነት ሽረ ከኢትዮጵያ ከፍተኛ ሊግ ውድድር ውጭ ሆነ!

በኢትዮጵያ ፕሪሚየር ሊግ ሲሳተፍ የነበረው እና በተጠናቀቀው የውድድር አመት ከኢትዮጵያ ፕሪሚየር ሊግ...

መቻልኢትዮጵያ ቡናዜናዎችየዝውውር ዜናዎች

ሁለቱን ተጫዋቾች ሁለቱ ክለቦች ተካፈሉ

ለሁለት ክለብ በመፈረማቸው ቅጣት ላይ የነበሩት ተጫዋቾች ለመቻል እና ለኢትዮጲያ ቡና እንዲጫወቱ...

ካፍዜናዎች

የኒጀር እና ሞሮኮ ጨዋታ በኢትዮዽያዊያን ዳኞች ሊመራ ነው

ራቫት ላይ የሚደረገው ወሳኙ የአፍሪካ ዋንጫ የማጣሪያ ጨዋታ በኢትዮዽያዊያን ዳኞች ይመራል። ኬኒያ...