ቢንያም በላይ የኢትዮጵያ ፕሮፌሽናል እግርኳስ ተጫዋቾች ማህበር የዓመቱ ምርጥ ተጫዋች ዘርፍ አሸናፊ ሆነ

የኢትዮጵያ ፕሮፌሽናል እግርኳስ ማህበር የ2015 ዓመተ ምህረት የኢትዮጵያ እግርኳስ ኮከብ ተጫዋች እና ኮከብ ወጣት ተጫዋች አሸናፊዎችን ይፋ አድርጓል ።

ማህበሩ ከእያንዳንዱ ክለብ አምበሎች ሰበሰብኩት ባለው ድምፅ መሰረት የቅዱስ ጊዮርጊሱ ቢንያም በላይ የዓመቱ ምርጥ ተጫዋች ዘርፍ አሸናፊ ሆኗል ።

ቢንያም በላይ በቅዱስ ጊዮርጊስ የመጀመሪያ የውድድር ዓመት ቆይታው በወጥነት ጥሩ የሜዳ ላይ እንቅስቃሴ በማሳየት ለክለቡ ሻምፕየንነት ትልቅ ሚና ከተወጡት ተጫዋቾች መካከል አንዱ እንደነበር ይታወቃል ።

በተጨማሪም የአዳማ ከተማው አጥቂ ዮሴፍ ታረቀኝ የውድድር ዓመቱ ምርጥ ወጣት ተጫዋች ዘርፍ አሸናፊ ሆኗል ።

በውድድር አመቱ ባሳዩት የሜዳ ላይ እንቅስቃሴ የሊጉን ተከታታዮች ቀልብ መሳብ ከቻሉ ወጣት ተጫዋቾች መካከል አንዱ ዮሴፍ ታረቀኝ እንደነበረ የሚታወስ ነው ።