ቅዱስ ጊዮርጊስ እና ፋሲል ከነማ በአፍሪካ መድረክ ላይ ተጋጣሚዎቻቸውን አውቀዋል

የ2014 የቤትኪንግ ኢትዮጵያ ፕሪሚየር ሊግን በአንደኝነት እና በሁለተኝነት በማጠናቀቅ የአፍሪካ ቻምፕየንስ ሊግ እና የኮንፌዴሬሽን ዋንጫ ተሳታፊ መሆናቸውን ያረጋገጡት ሁለቱ ክለቦች ከደቂቃዎች በፊት በግብፅ ካይሮ በወጣ ድልድል የቅድመ ማጣሪያ ተጋጣሚዎቻቸውን አውቀዋል ።

በቻምፒየንስ ሊጉ የሚሳተፈው ቅዱስ ጊዮርጊስ በቅድመ ማጣሪያ ከሱዳኑ አል ሂላል የተደለደለ ሲሆን የመጀመሪያ ጨዋታውንም በሜዳው የሚያደርግ ይሆናል ።

የዚህ ጨዋታ አሸናፊ ከታንዛንያው ያንግ አፍሪካ እና የደቡብ ሱዳኑ ዛላን አሸናፊ የሚጫወት ይሆናል ።

በኮንፌዴሬሽን ዋንጫ ተሳታፊ የሚሆነው ፋሲል ከነማ በበኩሉ ከቡሩንዲው ቡማሙሩ የደረሰው ሲሆን ቀዳሚ ጨዋታውን በሜዳው የሚያደርግ ይሆናል ።

የዚህ ጨዋታ አሸናፊ ከቱኒዚያው ሲኤስ ሴፋክሰን የሚጫወት ይሆናል ።

የቅድመ ማጣሪያ የመጀመሪያ ዙር ጨዋታዎች ከጳጉሜ 4 – መስከረም 1 ባሉ ቀናት ሲደረጉ የመልስ ጨዋታዎች ደግሞ ከመሰከረም 6 – መስከረም 8 ድረስ ይደረጋሉ ።